قدم لكم هذه القصيده المتواضعه التي ارجوا ان تنال استحسانكم
نـــبــــــض الاحــــــســــاس
كتبت اشعر حرف بحرف بالجمله وبالتفصيل
اعبربه عن الخاف الخفي ونبض الاحساسي
اعبرمن بنات الفكرلامني بدعت القيل
فريدات الهجوس اللي لفت مع كل نسناسي
تداعبني مع اطراف النهار ونوب تضوي ليل
تجيني نوب حيل اشباب ولاقرح واسداسي
انضمها مثل عقد الذهب بالوصف والتمثيل
بعنق اللي خذت تاج الجمال وجابت الكاسي
وانا توي مع الشعر اتعلم مفهمه بالحيل
وكم غاص البحر قدامنا سابح وغطاسي
يجيب اللولوالصاف الثمين ولانقص بالكيل
يوف الكيل والمكيال مانقص بمقياسي
وبه من يدعي شعر الحداثه فيه حط وشيل
يقولون الرجال البيت مايبنى بلاساسي
وانا لي قدوة باللي مضوا وسط الدجى قنديل
قناديل الظلام اللي بنو للعز نبراسي
مضوا وابقو تراثن وارثينه جيل بعد الجيل
على طول الزمن يبقى ويجري مجرى الانفاسي
وانا اقول ان دله ماتبهر زعفران وهيل
ماتجلالك اعماس ولاتداوي من خوى الراسي