السلام عليكم ورحمة الله وبركاته
إكمالاً لما بدأناه معكم في طرح محاروات الأعضاء وتبادل وجهات النظر حولها
أضع بين أيديكم هذه المحاورة للشاعرين : جحدر و السلطة المنزلة
وذلك لتحليل معناها ونقدها معنى ولفظاً
السلطه المنزليه
اسمع البيت ياجحدر ومعنى الصلاة=المساجـد ليـا جينـا نصليبـهـا
يوم بعض العرب يعفر ليا كثر ماه=ماتجـوز الصـلاة الا توضيبهـا
جحدر
ماتجي مع بعضها في نظام الحياه=يوم رتبتها ما أحسنـت ترتيبهـا
بيت مايستثيـر ويلفـت الانتبـاه=يدبل الكبد وهجوسـي يلاويبهـا
السلطة المنزليه
ينظر الرجل قدمه مايطالع وراه=والمساري يعرفون العرب ذيبها
وأنت ذيباً سمعنا عويةٍ من عواه=عويةٍ ماتسرك ليش تعويبهـا؟
جحدر
لابسٍ جلد ذيب وداخلك قلب شـاه=ماتعـرف الذيـاب ولا مراقيبـهـا
من يصوت بجنب الظلع يسمع صداه=وأنته اذنيك صمّـا كيـف توحيبهـا
السلطة المنزلة
من شراء الموت ماباعه بسوق الحياة=مير لك سالفة عندي وابـا اجيبهـا
انقض الفتل والبيت الخطام امعنـاه=الملاعب مصاعب وأنـت تدريبهـا
جحدر
الهوا لو يهب ويعكـس الاتجـاه=ياخذ آخف خلـق الله ويوميبهـا
طاولتني على الطالة عيال الرعاه=الله أكبر على الدنيا وأعاجيبهـا
السلطة المنزلة
الله انزل عليكم سلطةٍ مـن سمـاه=وأنت من فوق الأرض وش تسويبها
طوّل الله عمر شيخـاً يـذري ذراه=كان يمناك طالـت وسـع بجيبهـا
اعرضت في طريقي صومعة سلحفاه=راسهـا مرسـلٍ يمـي عراقيبـهـا
يوم حكيت جنبك في جبال السـراه=حملتـك حملتـك لازم تزوزيبـهـا
السلطة المنزلة
أنت جدرك قزازة مايتقـي تقـاه=تصبغ لحيتك مير انكشف شيبهـا
فيك ريشة غراب وفيك ريشة قطاة=والجناحين مـدري وش تخفيبهـا
جحدر
وش يعديك حدك ياخبيث اللغاة=رد رجلك بـدارك لاتجينيبهـا
وان تعديت حدك مالك الا الذكاه=لعنبو لحيـةٍ تكرمـك أشانيبهـا
السلطة المنزليه
أنت مثل البعير اللي يدربـي اللهاة=مير رجـع لهاتـك فـي لغابيبهـا
أنت مدري تبي المشعاب والا القناة=يمكـن سليـم كافيتـك مشاعيبهـا
جحدر
أقدر أدخل بفمك من البداية حصااه=لكن أعطيك فرصة مانت ضارييبها
تنقل السيف لكن تضربه في صفاة=لين راحت سيوفك فـي مثاليبهـا
السلطةالمنزليه
أنت راعي حلال ولاتطلّع زكاة=هاك بـروة لونـك ماتزكيبهـا
صاحب الحب يوم يجمّعه مانقاه=والرحى تستدير وتطحن اللي بها
وهذا رابط المحاورة الأصلي
http://www.bani-3abs.net/aa/showthread.php?t=70629
أرجو أن ارى تفاعلكم