10-11-2009, 10:35 AM
|
|
ياخجوله
ياخجولـة لاتزيديـن الخجـل يخْرقطـاعـة
والقطاعة تخر القسوة وانـا مانـي بقاسـي
الخجل طبعك ولااحداً قـادرٍ يخلـف طباعـة
والطبيعـة ماتـزول ولـو يـزولاً الرواسـي
الخجل شى جميل وفيه نـوع مـن القناعـة
والقناعـة كنـز لايفنـى وبـه دراً وماسـي
يقنع الواحدولا يرضى التحسـف والطماعـة
والطماعـة مابهاغيـر الخسايـر والمأأسـي
بس من فظلك ترا بعض الخجل لو ربع ساعة
ساعةً فيهايدور الفكر مع خمـس الحواسـي
يثر بقلب المولع يـوم درب العشـق لاعـة
لوعة المغرم عذاب وكلمـة الولهـان باسـي
والمولع في بحور العشق كم؟يكفـخ شراعـة
والشراع اليا كفخ ماضنتـي فيـه انتكاسـي
ياخجولة عاشقك عشقاً مثل عشق الشجاعـة
والشجاعة ورث جد ولا انزلت من فوق راسي
وياخجولة!!عاشقك بالطيـب مافيهـا دناعـة
والدناعة ماتجي والطيب مااعرفلـه اقياسـي
عاشقك عشقاً كما عشقي لمجلاس الجماعـة
والجماعة عاشقاً مجلاسهم طيـب وحماسـي
وياخجولة!!أأمري أمراً ولك سمعـاً وطاعـة
طاعة لجلك ولو بعض الخجل حزن ومأأسـي
قالها منهو على حبـك مشمّـر فـي ذراعـة
والذراع ان شمّره ماهو بحاسـب للنجاسـي
مازن العوني
|