[بدر حيي]

الاولى بأسم يكفي عذاب

يكفي عذاب بحالهً مثل ما تشوف
انت الذي مستقبل العمر بيديك
مهما حصل من غرابيل وظــــروف
مبلي واحبك حب من قلب واغليك
يكفي العذاب اللي حصل سو معروف
لا لا تغلى ما تحمل تغليك
تعال شف باسبابك الجسم منحوف
لو خساره كان خاب الرجاء فيك
عرفت منك الهم والحزن والخوف
ياليتها ماتمت المعرف فيك

اما القصيده الثانيه وهي بعنوان خلك معي
خلك معي والا أجفني بالتجري
طال الصبر بين الرجاء فيك والياس
الحال بعدك حالهً ما تسري
من شاف حالي قال وش فيك ماباس
لجلك وقفت بموقفً مايبري
لرضاك والا وش عليه من الناس
عطني دليل انك معي مستمري
وانا علي ابادلك نفس الاحساس
والله مابه ساعهً ما تمري
الا ولك ذكرى على فكر حساس

اما القصيده الثالثه وهي بعنوان ياهلي
ياهلي اسمحولي واعذروني يوم اغيب
لا تقولون وينك كان طال الغياب
ياهلي في ضيقه من ردات النصيب
بعدكم لي عذاب وقربكم لي عذاب
السهر والحزن ماهو المثلي غريب
من عرفت الهوا وانا عطيب الصواب
من تصيبه سهوم الحب ماله مجيب
قصتي قصةً منها يشيب الشباب
يمكن اطيب ويمكن اني ما اطيب
ياهلي ادعولي الله دعوتن تستجاب
ادعو الله يشفى جرح قلبٍ صويب
واعرفوا من جرحني ما حسبلي حساب


اما القصيده الرابعه وهي بعنوان (يهاجرً خلك )))

ياهاجرً خلك على غير داعي
مع السلامه واعتبر ماحصل شي
خلاص من حبك وبطوي شراعي
انا الذي يومني اغليك مخطي
خاب الرجاء بك والامل فيك ضاعي
والله ماصدقت في طبعك السي
بيني وبينك لا يطول النزاعي
محدًً يلوم اللي من الحب يشكي
خلاص مابعد الفراق اجتماعي
ابهجرك واهجر على شاننك الحي


اما القصيده

لاتتصل مالـه لـزوم اتصالـك

حتى الرسايل خاطري طاب منها

انـا ادري ريّـح البعـد بالـك

من يوم حالي سرك البعد عنهـا

رحلت عن قلب(ن) سكنته لحالك

اربع سنين(ن) وانت تامر وتنها

واقول لك ماعنـدك إلا حلالـك

وانت الوحيد اللي حياتي سكنها

واللي بدالك تحسب إنه صفالـك

والله لتبطي راحتـك ماضمنهـا

لكن مسامـح جمـل الله حالـك

غلطة عمر حبك وانا ادفع ثمنها

الموضوع الأصلي: من قصائد الشاعر ((راضي غالي الرشيدي)) | | الكاتب: بدر حيي | | المصدر: شبكة بني عبس