[ذبحني غروركـ]

جا صباح الحزن ياليل التحدي
عارف صبحي قديمه هو جديده

ماورا التنهيد ضيقات تعدي
وماورا الضيقات شي تستفيدة

انت !يااللي غيبتك ظلم وتعدي
حي! لكن في نظر عيني فقيده

كل درب مايجيك ..مايودي
غير للحرمان ..والياس وقصيدة

عاشقك من كثر حزنه ..وش بيدي؟
ماذكر في غيبتك لحظة سعيدة

انت وظروف الزمان المر ..ضدي
انت ياعندك ..وهي مثلك عنيدة

الليالي في غيابك ..ماتهدي
والعمر لو راح ..قلي ..وش يعيده

صرت احس العمر ياخذني بيدي
للضياع ورحلة عنك بعيدة

مالقيت من التعب مخلوق قدي
خطوتي في رحلة احزاني وحيده

كل دمعة لامست بالحزن خدي
ماعتبرها ميته!لكن شهيده

وانت ..مع شكري وتقديري وودي
لا تضايق ..لو تبكيك القصيده

الموضوع الأصلي: لا تضايق ..لو تبكيك القصيده | | الكاتب: ذبحني غروركـ | | المصدر: شبكة بني عبس