01-11-2009, 12:48 AM
|
|
محاورة ثويمر العجوني وفيحان القعياني
اخوان الاعزاء انقل لكم هذي المحاورة بين الشاعرين
ثويمر العجوني وفيحان القعياني
الشاعر/ ثويمر العجوني
الشاعر/ فيحان القعياني
ثويمر العجوني
حي الله اللي جو حشمه وتقدير= في حفل ربعن طيبهم خابرينه
ياصف ردد صوتنا للجماهير= ودعولنا فيحان ولاسنينه
فيحان القعياني
دام البقاء عند الرجال المناعير= ومحمد ابن عبيد جينا لعينه
من يوم جينا عندكم يامساء الخير= الحمد لله ماش نفس ٍ حزينه
ثويمر العجوني
اللي مضاء فيحان مايفارق اسدير= مالوم اهل حائل ماهو عارفينه
وان كان له نيه بقطع المشاوير= لابد مايقضي على منافسينه
فيحان القعياني
مابين هد الطير ونعشي الطير = ياهل الشمال ونجد واهل المدينه
تراء المنافس لرجاجيل تقدير= ان كان مازاد الرجل مايهينه
ثويمر العجوني
اثره مكلف عند عكف المناقير= مامور منهي يالله انك تعينه
اذبح عوض ونرشحك شاعر مطير= وتصير كبتن معتبر لسفينه
فيحان القعياني
اثر ثويمر مثل ابوزيد والزير= لكن ماكلن يترجم رطينه
حنا مطير اللي نهز الطوابير= مانذبح الطيب وتسلم يمينه
ثويمر العجوني
الحقد يافيحان بين الشواعير = اشد وعضم من سوات الطبينه
وانتم مطير اللي على جمة البير= تاريخكم يامطير متوارثينه
فيحان القعياني
تبي تعذر ماتفيد المعاذير= لكن ظني في قليبك كنينه
حنا مطير اللي نفك المغاتير= مير المطوع ليه غير بدينه
ثويمر العجوني
ماخطيت من شان اعتذر للمسايير= وليا زعـل ماني حـداء والدينه
خلك جمل قد المهمات يبعير= اقلط ونوخ للحمـــول الرزينه
|