اطيح من دونك واقوم واصيح ماحولي احد٠
وازعل على نفسي وكني ماخذيت إلا جزاي٠
البارحه عمري وقف يوم انك اخلفت الوعد٠
واليوم صبحي لايغرك ياجنوني ياغلاي٠
هذا الفراغ اللي قضيته لاحروف ولاعدد٠
ماله نهايه والنهايه في غيابك منتهاي٠
اول غرامك شفت في دربي تباشير السعد٠
وشرعت لك بيبان قلبي ماهي إلا من خلاي٠
بس البلا والصدمه اللي كلها حزن و نكد٠
انك تحاسبني على الزله وتطعن في قفاي٠
يانشوة المقفي عن اللي ماتطيقه وش بعد٠
خذيت مني كل شي ورحت ماهمك عطاي٠
حرفك دفعني والجروح مبعثره والنفس ابد٠
ماتندفع خلفك ولومافيه غيرك في سماي٠
والدمع لامني نويت ارتاح قام ولاقعد٠٠٠
ومن حر مافيني ينزل من هدب عيني شقاي٠
...طالبك قلي ليلة البارح عسى ماهي نكد٠٠
ياللي تساوي نص خلق الله ترى وصلك دواي٠
والزين واجد والعيون اللي بها نوم تهجد٠
وأنا بكيفي ماني محاسب على كثره وفاي٠
وأقول لك لاتسهر عيونك وجفنك مارقد٠
وتقول لي مدام تبغاني عسى كلك فداي٠
بقلمي٠٠ودمتم٠٠
الـشـاطـي المـــهجور