//
حيل الله أقوى مابقى في يـدي شـيّ
مافيه حل ٍ فـي يـدي .. ماذخرتـه
حاولت .. لكن المحاصيل هيّ هـيّ
الطير طـار ولا بقـى إلا شجرتـه
وقفّت أشوف شويّ وأغمّض شـويّ
واللي إنكسر في خاطـري ماجبرتـه
لين الحقت شمسي على بارد الفـيّ
وشفت إن كل اللي جمعته خسرتـه
من كثر ماعزيت ريقي عـن المـيّ
ملّ الصبر من كثر صبـر ٍ صبرتـه
كم هقوة ٍ ضاعت على سكـة الغـيّ
وكم حلم فـ ( تراب ) الحقيقه قبرتـه
واقف .. وطعنات الزمن كلهـا فـيّ
وساقي لو إنه كلّ منـي / كسرتـه
بعد ماعاش اليأس في إحساسي الحيّ
أخوي .. لو هو صد عنـي عذرتـه
مدري عن اللي كنت أحسبه بقى ليّ
اللي حزمت ابه الضلـوع وذكرتـه
اللي طوى حالي بحكم الهـوى طـيّ
قصّر .. وأنا كل الطريق إختصرتـه
ماهو خطا لاقلت ( تآمر على شيْ)
إلا الخطا .. لا إشتقت له وانتظرته
//
مـودتــــي ..
|| ملهمـًـًـًـًة شـآآع ـــٍـٍـٍـٍـٍـٍـٍرر ..}~