ياخويي جعل رحلتك مامـــونه
وش عطتك أم العنا من تجاربها
والله أني معك والنفــس مفتونه
فتنتن مانته بعــارف سـبايبها
دق في صدري هواجيس مجـــنونه
ياوجـودي يــوم هبـت هبايبها
مير خل الجيب يامشي على هونه
أتفــرج فالـديار ومـضـاربها
زين بعد العصر لفت دركســونه
لديار اللي وســـاعـن مناكبها
والمسأ في جال وادن تحــبونه
علته غــر المـزون بســحايبها
زاف عشبه والشجر مالت أغصونه
تلعـب أطـيوره وقلـبي يـلاعبها
خاطري مرتاح والنفـس مامنونه
ماتعاتبني أهمـومي وأعــاتبها
أتــسلا والمــقادير مضــمونه
ماكتــب لــروح لبد صـــايبها