الرفقه اللي تضيع بحزة الحاجه
أخير من ذكرها نسيان ماضيها
اللي بها يذكر المحتاج محتاجه
علاقة ما تبيض وجه راعيها
خل القدم عن مدار الشين دواجه
لا تلتفت في علوم بان خافيها
سكة هل المصلحه للضيق منعاجه
ليتك تشوف السلامه من اتواليها
كل يدور مداخيله ومخراجه
ما يلتفت للعيون اللي يراعيها
اللي بوقت المسره يضحك حجاجه
ليته نهار الصمايل ما يخليها
كل على نيته ينهج بمنهاجه
من حيث ما شالته رجله يوطيها
لكن عرق الرخامه وشهو علاجه
من شان بعض العرب ودك نداويها
اسم القصيده وقائلها :
" سكة هل المصلحة للضيق منعاجه "
للشاعر الكبير والله أكبر ..
عبدالله مرزوق المرشدي