مانيب شاعر .. بس صادقت الاوراق
و أصبحت نجم .. و حزني اللي صنعني
لي معجبين .. و لي مكانه .. و عشاق
و لي وضعي اللي فيه ربي وضعني
و رغم اختلاف الناس في بعض الاذواق
انت الوحيد .. اللي بغيت و منعني
انا .. و ليلي .. و أثمن كنوز الأعماق
نشريك .. و انت تقول طالبك بعني
الله كتب بأنٌا نحبك .. و ننساق
أتركني أرضى بأمر ربي .. و دعني
انا و قلبي .. نأخذ لقلبك .. سباق
أنشد : وصلنا .. قال : يعني و يعني
و انا ادري انك تملك احساس و أخلاق
إحساسك اللي من عروقي نزعني
وش فيك .. ما تفهم ترى جٌد مشتاق
سيف الثواني في غيابك .. قطعني