ياقلب ساعد لاتجي فيك زلات= وافطن ترى زلات بقعا شنيعه
وصم رمضان وصل كل الصلاوات= وفي طاعة المولى نفسك مطيعه
وللبيت حج ولاتخلي الزكوات= يابد من يومٍ يجبنا فجيعه
واحذر من اللي به من الكبر شارات= لوزان يومين تلقى القطيعه
واحذر من اللي على الطيب عادات= يمكن يبوق الصبح وألاتبيعه
تراه والله مأيخلي الخديعات= وقت الرخا لاخوه دمه يبيعه
وان جا نهارٍ فيه للطيب لذات= تشوف في وجهه ملامح قطيعه
والعفن عفن ولايجي فيه شيمات= لو تبذل المعروف مالك صنيعه
وترى صديق اليوم كله دعايات= يضحك معك والنفس ماهي طبيعه
يالله يالمطلوب رب السموات= يامكونٍ بالكون سنين وربيعه
تسلط على اللي مايعرف الجمالات= تقطع جذوره من رضيع ورضيعه
الشاعر الشيخ صويان بن صالح الرشيدي