عندي سؤالٍ فاقدٍ له اجابه=يمكن تخفف باقي الهم فيني..
تدري بحياتي عايشه في كأبه=بس الوكاد انك تجدد حنيني..
احييت شوقي من حروف وكتـــابه=عساه يوصل لك وبعدك تبيني..
ان غاب قلبك او تزايد غيابه=ما أبيك بأفعالي أبد تستهيني..
بنتٍ ولكني اسد وسط غابه=ولجلك ابيع ايام عمري وسنيني..
لا لا تحسب ان الحكي به غرابه=هذا كلام مات في وسط عيني..
في غيبتك حسيت انا بأغترابه=قلبي بعد فرقاك عيا يجيني..
وسؤالي اللي ينتظر له اجابه=ابي أعرف ان كان !! بعدك تبيني !!؟؟