[أمـــير بـكلمتي]

والله هذا اللي حصل قبل شهرين
فالسوق وامي ياعرب هاوشتني


قابلت وحده حابكه رسمت العين
ورموشها من غير ذنب اطعنتني


البنطلون اسود وفيها من الزين
شئ تعدى القل لين اسبهتني


غير العبايه كتف والخالق يعين
ومخصرة لاوالله الا انكبتني

صديت عنها وكانو الناس لاهين
وابليس راودني وهي راودتني

وامي تفرج فالملابس على هوين
ماهي بيمي وفالمحل خابرتني


مشخص وكاشخ وماني بشين
اعجبتها وهي والله الي اعجبتني

هي اقربت مني وانا ارحب اهلين
ومن دون مشعر ياعرب خامستني

واصل المحل فخم ومقسوم دورين
ويم الدرج رجلين حظي خذتني

الا امي تناديني ورع رايحن وين؟
فكيتها وهي اطلعت وتركتني

قالت وانا امك انت ورعن لهلحين
وبشنطة معها زعلت ولمختني

وعمري تعدى فوق سته وعشرين
ولا زلت ورع في عين منهي ولدتني


وضحكت وتعوذت منها لشياطين
ومن نفسي الي للردى طاوعتني


واستاهل اللمخة وكف وبقسين
وحسبي على الي راحت وورطتني

الموضوع الأصلي: في السوق امي ياعرب هاوشتني | | الكاتب: أمـــير بـكلمتي | | المصدر: شبكة بني عبس