سلامتك يامير من شر وجروح=ويالله عدوان البلاد تحصدها
وحفظ ملوك(ن)شيدم عز وصروح=اللي بشرع الله تحكم بلدها
وجعل خفا الاشرار بين ومفضوح= عسا بلاويهم كثيرن عددها
سود الوجيه اللي لها الخبث مملوح=اللي تعمد ابليس لو ماعمدها
اهل النفوس اللي بها الحقد ذرنوح=اللي فعول الشر من تحت يدها
اللي من الخيرات طاغين وسدوح=ولا شاف نعمه عند غيره حسدها
ويسلخ ويذبح وهو بالعمر سلتوح=ودارن ولد فيها باكبره جحدها
وسوالفه ماغير ذابح ومذبوح =كم من جموع(ن)بالسوالف هجدها
ويخون عهد ولا طلب عفوا مسموح= وخيرات غيره بالعمر ماوجدها
والنعام وامن من اين مايسج ويروح=في دولة(ن)فيهاالحكم ماضهدها
فيها الكرم مفتوح والعز مفتوح=وحكام لجل الدين تبذل جهدها
لعل من مال للوطن منه مصلوح=عسا لولي نفسه يكثرعقدها
ونفداك يابلادالحرمين بالروح= ونفدا ملوك المملكه مع ولدها