يااااااااارب
الموت هين ميــر البلا وش ورا الموت
عند الحساب يهون ســهم المنايا
باكر نموت وتصبح قبورنا بــيوت
عقب القصور بضيقات الزوايا
في جوف الأرض وكل من حولكـ سكوت
وتعاقبن بالقبر عــوج الحنــايا
يااارب يامنجــي نبيكـ من الحوت
ستركـ وعفوكـ يوم كشف الخفايا
باكر ليا جينا على داعي الصوت
شيبان وأطفال وشباب وصبايا
يااارب تهديني قبل لــحظة الفوت
وتغفر ذنوبي ياكريم العطايا
أشكيك همٍ داخل الصدر مكبوت
وأيامي اللي يالخطايا ملايا
ان لاذ بكـ من كان طايع ومخبوت
في من يلوذ المرتكب للخطايا ؟؟
يارب ياقادر على كل طاغــوت
لا ياقف اللي وحدوا بك خزايا
رحماكـ لا منا صحينا من الموت
وإليا وقفنا عند بابكـ عراااايا