سلام عليكم ورحمة الله اخواني في قلعة المجد والتاريخ
بالحقيقه اني كنت اتصفح المحاورات كزائر وبصراحه فيه شعار يشار لهم بالبنان
ومن الشعار المبجلين ( اخو صلـــــــــــــــــــــــــــــــــــــفه ) اللي كان اسمه مسري
ويعجبني هذا الشاعر بمحاولاته لفك قيد الختم من يد العمده
لذا لهبته بهالقصيده
اللي اتمنى تنال على رضاكم
ياخو صلفه تعبت استأصل ايامي واجي مسرور=تعبت امرر اعذراي على شفاهي مثل غيمه
تعبت ابارك غيابي واقول ان الغياب حضور=تعبت اغيّب جروحي واقول ان الصبر شيمه
انا المركون في صدر السواحل والبحر ميسور=انا ذاك السراب اللي ضحك من سالفة ديمه
هنا ولحالي المضني يجي من اخري مجبور=يرتبني الوبر صبحٍ على ذيك القرى خيمه
اخيط من الامل فيّه ولا القى غير ذاك السور=وهو من قلة حضوضه تهاوى قبل ترميمه
وتذكرني غصون الناس اذا كان الطهر عصفور=اجي من مشرق اخلاقي افج نحور تعتيمه
رميت الجوع في بطن الرغبف وما اهتنا تنور=قبل لايمد لي يده جهرت بسر تقسيمه
اشوف الناس من حولي ملامح من بقايا قصور=يفتت حزنها البارود تجفل لاطلقو ريمه
تطاولت المكان اشهق قبل لايحتضربي دور=وقلت النعش يافقري هنا يحتاج توسيمه
مساءك خير يا ( مسري ) تقهوى شوفتي مقهور=عزفك الهيل لشفاهي وانا اتعلل ترانيمه
تخطفت النجوم احكام صغت من الضيا دستور=وقلت العيب لو ( ناصر ) رضخ لاقوال تنجيمه
احس ان الحكي جثه وصدر الحابسين قبور=عظام ونشرها صدقك وزور الحكي تهشيمه
واشوف الغيم دخانك بياض واسوده ممطور=هيا الاشياء تتناقض كما قل الحكي قيمه
وانا مابين اشعارك وسيف حضوضي المسكور=سهرت وغمد نزواتك يسامر حلم تحطيمه
اخوك الاسباني
ولاتطول علينا بالرد ماهو مثل ناصر ابن خنيفر