وضعت نوره اللمسات الأخيره من الماكياج...كان مكياجها عباره عن تموجات اللون البني مع الذهبي...نظرت
برضى إلى فستانها
الذهبي...ابتسمت نوره وهي تقول في نفسها"كنت أتمنى زواج أفضل من كذا ...لكن لأجل عين تكرم
مدينة ..وعشان ماجد أسوي أي شي"
سمعت طرقات على باب غرفتها قبل أن يفتح فجأه وتدخل نوف وندى"مبرووووووووك"
ابتسمت نوره بسعادة"الله يبارك فيكم"
نوف"واااااااااو...نوره من اللي سوى لك الماكياج...بصراحة روعه"
رفعت نوره رأسها بغرور"أنا"
ندى "معقوله؟!"ما شاء الله ....قمه في الجمال"
ضحكت نوره بمرح"والله أنا...هاه ايش رأيكم"
نوف"تجننين....خلاص بنفتح مشغل وإنتي الكوافيره"
نوره"وانتي ايش شغلتك؟"
قالت نوف بترفع"أنا المديرة المالية"
صرخت نوره"مصدقه نفسك مديره مالية"
نوف"هيه...أنتي عروس المفروض ما تصارخين"
نوره"وانتي اللي يشوفك يقدر يمسك أعصابه؟!"
أتاهم صوت من خلفهم "أنتم للحين تتهاوشون"
صرخت ندى بفرح"مو معقوله!! هند"
اجتمعت الفتيات حول هند مرحبات بحرارة وقابلتهن هند بترحيب ممزوج بالدموع..
نوره"متى جيتي يا طعسه؟"
ضحكت هند قائله"تو جينا من الشرقيه.....مستحيل أفوت علي زواج الغالي والغالية"
ضحكت نوره بقوه وقد تساقطت دموعها"اشتقت لك موووووت"
غمزت نوف قائله"على فكره هذي هند مو ماجد"
ضربتها نوره على كتفها ثم قالت"نوف وجع"
ندى"كيفك هنوده؟ والله لك وحشه"
هند"وأنا بعد اشتقت لكم...والله ما غبتم عن بالي ولا ثانيه"
ندى"أخبار الزواج"
هزت هند كتفيها قائله"ماشي الحال....أنا في حالي وهو في حاله"
غمزت لها نوره"علينا"
هند"المهم....كيف رضت أمك يا نوره على زواج بسيط"
نوره"ومن قال انها راضيه...لكن فيصل أقنعها"
هند"فيصل؟!"
نوره"يس...والا ما تدرين؟!"
هند"وهو أنا أشوفه أصلاً...أكثر وقته برى البيت"
نوف"ما ألومه المسكين....تلقين لسانك له مثل السكين"
هند"لا أنا مو للدرجه هذي"
نوف"انتي للحين على حالك معه ومعاملتك الجافة"
جلست هند مطأطأت الرأس ثم نظرت إلى نوف وهمست"لما تتزوجين يا نوف واحد ما تبينه...راح أسألك نفس السؤال"
أحست نوف بخنجر يغرس في قلبها ثم جلست بجانب هند"آسفه هند...والله ما كنت أقصد"
نوره"وبعدين يعني انتم جايين تستانسون أو تقلبونها مناحه"
قالت هند مبتسمه"مستحيل أزعل من توأم روحي"
نوف"لك تؤبريني"
التفتت هند قائله"سارة وينها؟"
ندى"انتي عرفتي باللي حصل لها"
هند"أيوه قالت لي خالتي أم فيصل"
ندى"كيفها الحين يا نوره؟"
تنهدت نوره قائله"دايم بغرفتها واذا اجتمعنا تكون ساكته...أنا خايفه ان سارة اللي أعرفها راحت من غير رجعه"
هند"حسبي الله على من كان السبب"
نوف"وتركي وينه؟"
ابتسمت نوره بشماته"تركي ما شفناه أبد...ولا اتصل بعد"
ندى"وايش موقف سارة"
نوره"سارة ما تبينا نجيب طاريه ولا بكلمه"
ندى"الله يكون في عونها"
هند"أحيانا الطلاق يكون راحه للبنت"
ندى"لكن المجتمع ما يرحم"
نوف" طبعا..دايم يحطون السبب على البنت...رغم ان أغلب حالات الطلاق السبب الرئيسي فيها رجل"
نوره"وبعدين يعني...تبوني أتراجع عن الزواج الليله"
تناها إلى سمعها صوت ضعيف"انتي ملكة الحفل...كيف تتراجعين؟"
صرخت الفتيات جميعا "هلااااااااااا سيوره"
حيت سارة الجميع بينما لاحظت ندى اسودادا تحت جفون سارة واعتقدت أنه بسبب الأرق وقلة النوم.
سارة"هلا وغلا فيكم...يالله ما ودكم تنزلون تحت العجايز ينتظرون"
نوف"ايش رأيكم نحط لهن مخدر في الشاي...ينامن وحنا نستانس لوحدنا"
شهقت هند قائله"بسم الله على أمي...تبين تذبحينها"
نوف"وهي أمك لوحدها ...حتى أمي معها"
هند"انتي للحين على حالتك...ما كبرتي نوفوه"
نوف"وكيف أكبر وانتي ونوره صديقاتي"
ندى"يااااااااا سلام وأنا؟"
اقتربت نوف من ندى ثم ضمتها بقوه"انتي دنيتي كلها"
ضحكت سارة قائله"الله لا يحرمكم من بعض"
************************************************** ***
نظر ماجد الى ساعة يده وقت غضن جبينه وبان القلق على محياه. كان واقفاً في قاعه للرجال كان قد حجزها مسبقاً...
حضر زواجه عدداً من أقربائه وأصدقائه وكان ماجد يرغب بان يكون زواجه مختصراً.
فيصل"ايش فيك يا ماجد تناظر الساعه كل شوي؟!"
ماجد بقلق"من الصبح أتصل على خالد وما يرد"
محمد"هو ما جا من الشرقيه للحين؟!"
ماجد"لا...للحين....المشكله هو أرسل لي رساله يقول فيها انه مشغوله...ومكالماتي ما يرد عليها"
محمد"أكيد مستانس مع ربعه"
ماجد"طيب من الصبح؟! أنا بديت أقلق عليه"
فيصل"لا تقلق أنت تعرف خالد من زمان....يختفي له وقت ويظهر بسرعه"
ماجد"لكن زودها المره هذي"
محمد"آخر مره كلم فيها متى؟"
ماجد"قبل خمس أيام...كان يبي فلوس...وهذا له الان أكثر من أسبوع في الشرقيه...الوالد والوالده بدو يقلقون عليه"
فيصل"لا تخاف عليه...يمكن فكر يكمل الأسبوع هذا بعد"
ماجد" ليته يرد ويريحنا...يرسل لي رسايل بس....وبعدين زواجي ما حضره"
محمد"دام يرسل لك رسايل فهو بخير"
فيصل"الغايب عذره معه"
ماجد"الله يكفيه شر نفسه"
فيصل"الله يرد كل غايب...الله يردك يا طلال"
محمد"آمين والله انه له فقده"
فيصل"ايش صار على موضوعك يا محمد؟"
محمد"ابشرك كل شي انتهى وراح يتصلون علي الاسبوع الجاي"
ماجد"أي موضوع؟"
محمد"البعثه اللي كنت أطالب فيها..أخيراً وافقوا"
ماجد"ماشاء الله على البركه...وعلى وين؟"
أخذ محمد نفساً عميقاً ثم قال"على لندن ان شاء الله"