[المشعل]

السلام عليكم ورحمة الله وبركاته

مساء أو صباح الخير اخواني واخواتي اعضاء منتدى قبيلة بني رشيد شبكة عبس

كل عام وانتم بخير

الحقيقه كنت اتناقش مع احد الأخوان عن موضوع الكفاله والكفيل الغارم والمشاكل المترتبه على هذا الموضوع وحبيت اطرح عليكم هذا الموضوع والذي يعانى منه كثيراً من الناس في هذا الوقت ..

الكفاله والكفيل الغارم .. احياناً يجيك شخص عزيز عليك وتكن له كل المحبه والتقدير..... ويطلب منك إنك تكفله وأنه لايوجد إلا انت من يكفله ويطلب الفزعه منك بكفالته في سياره أو بيت أو قرض أو أرض أو أي شيء... وتقف معه وتتزهل له وتروح أنت وياه وتخلص كل الأجراءات وتسجل في الأوراق إنك كفيل غارم يعني إذا ما سدد هو أنت من يسدد و تتحمل الأقساط ..

تروح الأيام والشهور يبدأ بالتراخي في التسديد ويطوف شهر وشهرين وثلاثه..... تجي الشركه صاحبت الحق وتطالبك بالسداد وتدخل انت وصديقك في مشاكل مع الشركه ومن يسدد وفي النهايه يجحدك صديقك وتتورط في التسديد... بعدها من المحتمل أن تنقطع العلاقه وتزعل من صديقك بسبب الكفاله والفلوس .........

وش رايكم بهذه النهايه السيئه للصداقه بسبب الكفاله .

فيه حكمة تقول ((يزعل مني صديقي وفلوسي عندي، ولا ازعل عليه وفلوسي عنده ))..
يعني لو طلب منك أحد تكفله ورفضت بيزعل عليك لكن فلوسك عندك لكن المصيبه انك تسوي معه معروف وتكفله ويجحدك وتتزاعلون وفلوسك عنده ...

لماذا وصل بنا الحال الى هذا الحد !!

لماذا لايلتزم الشخص بالسداد على الأقل يفك كفيله من المشاكل وهو الذي ساعده وكفله !!

...هذه المشكله خربت على كثيراً من الناس فالبعض كان يسلف وحصل معه هذا الموقف بعدها حرم يسلف أو يكفل أحد ..........

والمشكله الأكبر من كذا لو حصلت معك من ناس قريبن صعبه تطالبه بسدادك أو بالشكوى بعد انتهاء القسط كماهو متبع في نظام الكفاله على حسب علمي ..
والمشكله الأعظم أذا تحملت ذالك وتحملت الديون ولكن دون النظر الى مافعلته لهم أو حساسهم بأن مافعلت لهم طيب.... المفترض يشكرونك عليه أو على أقل شيء يعترفون بمعروفك !!

ارجو التعليق والمشاركه من الجميع وابداء وجهات النظر في هذه الموضوع .والذي نسمع كثير من الاخوان يشتكون في مثل هذه التصرفات ...


مما راقي لي اتمنى ان يعجيبكم الموضوع ونستفيد من ارائكم

تحيااتي لكم....

الموضوع الأصلي: الصداقه والكفاله ...!! | | الكاتب: المشعل | | المصدر: شبكة بني عبس