ياراكبٍ جيبٍ جديد المسامير
مادق صدره بالعقوم الطويلة
من الوكالة فحص دوري وتصدير
مصدره عبداللطيف ووكيله
ابغى عليه ابو الثمان المغاتير
اللي برى حالي طويل الجديلة
ابو نهودٍ واقفات مزابير
والخد براقٍ مزونه ثقيلة
والعين عين اللي دعوها الصقاقير
شيهانةٍ ترقى الرجوم الطويلة
غروٍ عفيف وقايده للغنادير
ماناشها راع الدنس والرذيلة
وجدي عليهم وجد من طاح بالبير
ماتاصله حتى الحبال الطويلة
ووجدي عليهم وجد راعي مغاتير
تسعين وضحا عزوته بالقبيلة
اقفوا عليهن محتمين المظاهير
واهو يطالعهم وروحه عليله
هذا وجودي يالرجال المنعاير
كلٍِ شكى من قبلنا وقت جيله
و صلاة ربي عد ما غرد الطير
واعداد ماساق الهوى للمخيلة
للشآعر /مطلق الشويلعي