[أبوفيصل الجولان]

قصيده لسليمان الشريم من شعار شقراء يوصي بها ولده عزيز.................
يامن لعين في محاجيرها شوك
والقلب به عن لذةالنوم تكاك
لدك في قلبي من الهم داكوك
جاوبت طربان الحمايم والادياك
عزيلحالك ياعزيز وانا ابوك
كان الزمان اللي وطاني توطاك
امشي وكني ياعزيزبتابوك
في حبس جبار تحت حكم الاتراك
على عشير دونه الباب مصكوك
ما غيرامره واتعداه مناك
باب وراه حروس ماهوب مفكوك
ومبرز دونه مكاينوشباك
وبقيت انا في حضرة الوقت مملوك
دولة زمان بين جاك وتعداك
افهم وصاتيياعزيز وانا بوك
دامك صغير وغاية العلم يقراك
تراه ما ينفعك خالك ولاخوك
لا صار ماتقضي لزومك بيمناك
وربعك الى بان الخلل فيك عافوك
اقرب قريبلك من الناس يشناك
ان كثر مالك صدقوا لك وطاعوك
وان قل ما بيديك شانتشجاياك
لو تطلب الما عندهم كان ما اسقوك
ابعد مزارك عن وطنهم ومرباك
انجاد حظك صدقوا لك وزاروك
وان بار كل ما يبي غير فرقاك
والى اعترض لك من صروفالنيا صوك
كل تبرا منك ماهوب وياك
وهراجة الملجس الى جيت وروك
منازل تطربنظيرك بدنياك

الموضوع الأصلي: أفهم وصاتي يااعزيز وأنا ابوك..من أجمل قصايد ابن شريم | | الكاتب: أبوفيصل الجولان | | المصدر: شبكة بني عبس