عيون الحب
عيون الحب لا يمكن تناظــر
عيوب الخـل لو هو عيب كله
تماري فيه وبوصفه تكابـــر
ترى من فوق خلق الله محــله
رفيق الليل في الشباك ناطــر
واثاري الليل شباك لخـلــه
حفظ احلى الكلام وصار شاعر
بصبر ينتظر والصبر مـلــه
حبيب عشت في دنياه عابــر
حسب قوله ويا شعري فقله
انا ضحيت له وارجي وصابـر
واذا عيا اقول الله يحلــه
على الملتاع الا يا بعد باكــر
يبي السلوان والذكرى تظله
صحيح ان الهوى سحر المشاعر
يراه الصب عز لو يذلـه
عيون الحب في قلبي تناظــر
تشوف اللي عيوني ماتدله
طلال الرشيد