|
|
ياعين ابوي
ياللي تهددني على الفرقى ترى قلبي جري
ضاري على غدر الحياة ومومن اْنْها زايله
الحظ ضدي والزمن,,قلّي وش اللي تحتري
كملهاواصلاً هيْ قبل فرقاك عندي مايله
ماوقّفتبك لا ,,ولاني قايلاً لك مفتري
بالعكس صارت لذتي في كل حرحً شايله
ألعن من اللقمه ليامن دقّرت وسط المري
انك تشوف الشي في عينك ولاانتب طايله
قلي مابيك وحبك أصلاً فاريً قلبي فري
وان ماقدرت اتقولها هاك الحلول النايله
أرسلها بالجوال لامن شاف ,,ولابه من دري
على الاقل, تبقى على الجوال وسْطْ ارسايله
يالله فديتك كلبوها كلمتينً تنقري
ابيك لو مره توريني نجوم القايله
ودي اشوفك لابس الوردي تلامع بالزري
مثل الغثير اليا سرى ليل البروق يخايله
واتمرني واتصد عني ينفري قلبي فري
آخر جداي اليا التفت اقول والله هايله
امن الغزل ماني بري,,وامن الثقل منتب بري
متغطرسً عني وانا كلي مشاعر سايله
ياعين ابوي العين انا قلبي ترى عاده طري
ماكنه ألا قلب ابن عدوان وضحى تحايله
وانت أتّحداني وانا صابر عليك ومصبري
لاتحسبني بنتظر صاعك وانا اللي كايله
بكتب قصيده تظهر الخافي وتخفى بالعُري
واجاوبك نفس السؤال اللي يوهق سايله
تدري وش أعظم غلطةً يبكي عليها دفتري
اني احبك والبلا منتب بكرت العايله
ناصر الغضروف
|