المحاورة التاسعة :
محاورة بين الشاعرين سعود العبدلي ورشيد بن معدي:
سعود :
أنا شهر وثلاث أيام أدورفي الرجال قضاه= وسمعت رشيد قاضي عبس في الحاضر وفي الماضي
أبا أعرض له قضية مالها في المحكمة مقضاة = لقيت البنت لقحت بأمها وش قلت ياقاضي
رشيد :
رشيد يشوف مقصود القصيد ويعتبر معناه = لحيث إنه يعرف إن الدروب طوال وعراضي
يقولون المدينة عن يمامة شرق فيه مراة = تموت البنت وتجاوب حياة بنشرة عكاظي
سعود :
أنا ليه خوي ما أتخاوى غير أنا وإياه = لو يغيض البحر صدره من الأعلام ماغاضي
عيون الذيب ربي ماخلقها من عيون الشاة = يجيك الموت لامات الطبيب مداوي الأمراضي
رشيد :
توكلنا على الله والحلال معزبك زكاه = لو إنك راضي شرع الزكاة أنا ماني راضي
على وين أنت رايح دام راس الذيب بالمنداه = تراك بوقت متقلب يصير الصقر بياضي
سعود :
علاك بخير ياعود عياله يتبعون رضاه = تذب الريع الأقصى والعرب بعظامها شاضي
وألا يابو معدي جبتها ياكبرها كبراه = ليامني نشدت رشيد قال البال مهتاضي
رشيد :
من الهاجوس والثاني وجرح مالقيت دواه = ونشدت التحوت وقالوا العام البحر فاضي
بغيت الحق مير الحق حطه عمي بمخباه = وقالوا لي توفى والمعزي تحت الأنقاضي
سعود :
ماعينت الثنية والرباع اللي وراء المفلاة=لياجوك المديد من البلد كملت الأغراضي
أكلت الصبروالحلتيت لين البطن راح ملاه = وذا الحينه تبرق بالعرب والقلب مغتاضي
رشيد :
يقولون إن عنتر يوم جاه الثور ماذكاه = وأنا لي الغنا وأترك مجاوب بعض الألفاضي
أنا مهتال في حجة سعود وشايب وصاه = وصاة العود تهوي به لكن الرب حفاظي
سعود :
ألا ياعبس هذا العود لامثله ولاحلياه = ألا يابعد مركاضه وألا يابعد مركاضي
أنا ما أدري وش أبا أقول يوم العود جاب أقصاه= بعد ماجات مومية السفيفة خرجها فاضي
رشيد :
لياخيل خيال الغيث مثل أهل الدبش خلناه = وأنا ما أخايل الأمطار دام البرق ماناضي
أكيد إنه لزمك القيض وتدور على فرقاه =وحسب للشتاء والبرد بعد الحر تعتاضي
المحاورة العشرة :
وهذ محاورة بين الشاعرين نواف العازمي ورشيد بن معدي :
نواف :
ياسلام الله عليكم والوفا مفتوح بابه = والوجيه البيض نعرف صدقها ومجاملتها
من يشب النار جعل النار تالع في ثيابه = والعرب مافيه كلمة غامضة ما حللتها
رشيد :
ياهلا يامرحبا بك وأنت ذيب مع الذيابة =وأم سالفة كما الكبريت تحصد سالفتها
وأنت من حزب النيابة مير ما أنت مع النيابة = كل سالفتن تسجل يم قمة عارفتها
نواف :
البقا في صاحب نعرف حضوره من غيابه = إن عطانا أول علومه ننشده عن تاليتها
أنت من روس العصابة مير ماأنت مع العصابة= مالقينا لك شريط يشتغل بمسجلتها
رشيد :
ماعليك قصور ياللي من طلابه في طلابه = وكل سالفتن جديدة تلتحق مع سابقتها
جيت في ميدان ليلى والحداثة والغرابة = وجيت أغازلها بلطف وغازلتني والدتها
نواف :
أنت ياراعي السؤال اللي تدور للإجابة =الجواب يقول ماهي مشكلتنا مشكلتها
دايمن تحفظ خطا صاحبك وتضيع صوابه = وإن غلبك الأمر جعل الله يقنيك بركتها
رشيد :
والله إنا نكرم الرجال وندقق حسابه = والعرب دايم تضيع لياتهور عارفتها
نعرف الرجال وناديه في حضرة جنابه = مير بعض الناس تنظر للنجوم بقايلتها
نواف :
سكة معهارسول الله مشت معها الصحابة = عيشة ديم يحرمها تراها محرمتها
المحاورة الحادية عشرة :
وهذ ه المحاورة بين الشاعرين سليمان أخو سلمى ورشيد بن معدي :
سليمان :
يوم زانت صفوف اللعب يابو معدي =عطني علومك اللي كبروا شانها
قالوا إنه تعدي قلت ويش التعدي =المصلي صلاته خل باركانها
رشيد بن معدي :
كان زانت صفوف اللعب أنا مستعدي = والله إني لا أقررها بميزانها
أنت وين أنت في وقت القشر والتحدي = تحتمي الأرض لين يثور بركانها
سليمان :
الرجاجيل ماتمشي بودك وودي = وكل سلعة يعرف التاجر أثمانها
أنت طيب ولكن الزمان متردي = وحجة المدعي ما جاب برهانها
رشيد :
أشهد إني مشيت بدربي المجرهدي = وأهل الوسوسة توبت شيطانها
التقينا وحصلنا نصيب الأسدّي = غصب غصب لصاحيها ومرضانها
سليمان :
عقب سرعتك هذي ودنا إنك تهدي = امسك الفرملة وارقد بسكانها
الله إنه يسلم شوفك المجرهدي = وعمي الأبصار ربي يعمي أعيانها
رشيد :
أنت نوب معي وأمرار أحصلك ضدي = لو تمر الطيور تخم جنحانها
واعرف إني لبست ثياب طولي وقدي = وأنت راع الصحيفة واكتب إعلانها
سليمان :
أنت ياولد عمي ياوريثيث بجدي = لاخلف الله على نفسك وشيطانها
إن تعشيت معك أنا تراي متغدي = والحمامة على راسك بجنحانها
رشيد :
مانشكك ولانرضى على المستبدي = راجع رسالتك وأمعن بعنوانها
الله الله على طاروقك المستجدي =
سليمان :
يوم روح بك الأشعل يهوس ويفدي =الأصايل مناها طلقة أرسانها
كل ماتنزل المنزل تعود تشدي = والبلا ذاكرة مكثور نسيانها
رشيد :
التفاهم معاكم ما يجيب ويودي= فعلكم خبزة في وسط فرانها
لو أصكك بكفن شين صوبت خدي = وأنت أبوها بزايدها ونقصانها
سليمان :
طابت أفراحكم يا هل الفرح وصل حدي = ما بقى إلا النشاما ترفع آذانها