المحاورة الخامسة :
وهذه المحاورة بين الشاعرين عيد بن مربح ورشيد بن معدي :
عيد :
في حضور شيوخنا والوجيه الطيبات = مرحبا ترحيبتن وسطها برق ورعد
الأدب والبورصة تستحيج مضاربات =
رشيد :
في حضور شيوخنا والكواكب ثابتات =مرحبا في راعي العرف والماطر بعد
الأدب والبورصة في اللغة متخالفات = فرقها مثل الوعد والمخالف للوعد
عيد :
كلهن بالمصلحة يارجل متقاربات = كيف تفهمني تركد معايه ياولد
الأنانية تهد القصور العامرات = ولايفرق شمل الأصحاب ياغير الحسد
رشيد :
أنت بأول خير والباقيات الصالحات = مير لاتكثر حسابك وتغلط بالعدد
الأنانية على راس زيد وزيد مات =والحصيني يحلف الدين وذنيبه شهد
عيد :
التفت للشرق مضبوط وتشوف قنوات = جعل عين تبرح الدرب ماتشكي الرمد
كان ماتبغى تسولف معي زين السكات =وكان عندك سالفة شب نارك من زند
رشيد:
سالفتك المبهمة سجلت بالكامرات = يوم تلجا لأهل الفن وأنت ابن حمد
لاتحسب إني مسجل بفلم عريب سات = انشد أقطار الجزيرة وسكان البلد
عيد :
أنت ما تقدر تناقش معاي المعجزات = عيد في لفت العمارة نزل وإلا صعد
البري لو يشتكونه خذا صك البراة = والنكد دايم يرمونه على راع النكد
رشيد :
المفاهم مر ماعند نا سكر نبات = وأنت ما أنت مكلم الناس وأنته في المهد
يالولد غوار مافيه دور مغامرات = مير هذي غطرسة عيد تبقى للأبد
عيد :
أنت بدوي ما لك إلاثلاث بعيرات = وأنت رابعهن ولاغير هالجملة عدد
لاتضيق بك الدروب الوساع الواسعات = المثل قال لك من جد يالصاحب وجد
رشيد :
أنت تاجر حيضري معك سبع الموبقات = وأنت ثامنهن وعشيق مزبور النهد
لاتورث حجة الغاويات النافثات =تدعي فالظن والظن ما يحسب سند
عيد :
هكذا نضغط ونخلف مسير الشاحنات = الحمل بظهورهن والنهاية في البلد
سامح الله ربعنا بالوزان الناقصات = عوذ برب الفلق عوذ برب الصمد
رشيد :
أنت شايب جاهلي فات عمر العود فات = الله إنه ينصر الدين والحاكم فهد
مالك الله ينفعك عندنا حسن الصفات =لو يقولون إن من رد ماعده شرد
عيد :
طال عمر ملوكنا والعيون الساهرات = في ذراهم تمرح الضأن في واد القهد
العن الشيطان يابو شنب سبع لعنات = وكان صدرك ضاق قللي وتبشر بالسعد
رشيد :
الموذن يوم يذن ينادي للصلاة = والمنافق شين في سنة محمد جحد
لعنة الشيطان ناخذ بها سبع حسنات = وأنت لو تضيق منا تبي تمسي كمد
المحاورة السادسة :
محاورة بين الشاعرين نواف العازمي ورشيد بن معدي
رشيد :
هلا يامرحبا ترحيبتن طاروقها ينقاد = كما قود العسيف تحت حكمة مدربها
ترى الليلة فرح لأن الفرح يحسب من الأعياد =ومن يحضر على الحفلة يقدرها بواجبها
نواف :
عسى فيك البقا ياللي ترحب وأنت راع شداد =من أول لايرحب بالضيوف إلا معزبها
دعيتونا على الحفلة وجيناكم على الميعاد =وصارت مشكلة لكن ماأدري وش سبايبها
رشيد :
يدوم لك البقا يالشاعر الملهم ويالقصاد =ونفسك ياطويل العرف حاسبها وعاتبها
دعيناكم وجيتونا على الفطرة وملحة زاد =وأنا ما لي ومال الناس أخاصمها وأطالبها
نواف :
ألا يابلشة الشاعر وألا يابلشة الأجواد =أثر بعض العلوم صحيح ماتحمد عواقبها
ترى اللي جاك يابغداد من ريسك يابغداد= يحسبنه بكيفه يطلع الشمس ويغيبها
رشيد :
تبي تبلش وتبلشنا مع المحدار والمسناد =يزولن الرواسي والعرب تبقى ذهايبها
لاتشغلني وأنادي صاحبك ياسند ما أدري باد = أخلي كل لحية ماتعذر عن شواربها
نواف :
حمدنا الله على النعمة ولكن كثروا الحساد=لاجبت المشكلة كيف أتعذر وأنت جايبها
تقول اللي تقوله كل قوم لها سيوف =وبعض الناس تبغى بعدها والله مقربها
رشيد :
من الواجب يابن راشد تجامل مع بني تحماد = مادامك بالف خير البير لاتغثرب مشاربها
ترى حنا عرب لن العروبة ينطقون الضاد =ومحمد هو نبي الله ومسيلم كذيبها
نواف :
ابن حامد وابن راشد وابن عايد وابن عياد = تحاول لايطيح شداد ريمه فوق غاربها
وحنا ياعرب والله ماحنا للصنم عباد = علاقات العرب من بينها هو وش يخربها
رشيد :
أبيك تميز التاريخ قبل تنشد النشاد = عطيتك كلمة الإعراب لكن ما أنت معربها
ليا منا تفاهمنا على المصدار والميراد = يقر الوزن والأمة تمرح في مضاربها
نواف :
ترانا قبل نعرف وش سبا نعرف ثمود وعاد = ولاعندي جهل في كل موجبها وسالبها
ترى العام الجديد يجيب في حثله علوم جداد =وأعرف اللي يطق خشومها واللي يحب
بها
رشيد :
يقولون العرب وسط السلم وش صدت يالجراد = تفكر بالليالي وأنت عجبه من عجايبها
تدرج ياوسيع العرف خل النوم والمرقاد = لا أحطك تحت الأرض اللي تمشى في مناكبها
نواف :
أحد صايد وأحدمصيود وأحد مفلس ما صاد =ولكن الجهات الأربعة هبت هبايبها
المحاورة الثامنة :
محاورة بين الشاعرين رشيد بن معدي وذيب الشمري
رشيد :
الله يحيي الجميع بحفلة ابن حمد = مسلم الشيخ ابن بداي راع الشداد
ياذيب يالشمر يحضر وخلك ولد =وادر إن راس الفتيلة عند خشم الزناد
ذيب :
عسى البقا فيك وأنت الشاعر المعتمد= أنته مدير الفريق وريس الاتحاد
مافيه داعي نحط السبت قبل الأحد= حتى تجلى غيوم الشك والاعتقاد
رشيد :
أنا ما أذمك مثقف لك نصيب الأسد = يوم إن بعض العرب من وقفته ما استفاد
اضرب عدد في عدد واطرح عدد من عدد = حتى يقولون مثل قصة السندباد
ذيب :
عسى العيون الكريمة مايجيها الرمد = من شاننا مانقول النار تخّر رماد
ياعبس بإسرافكم ضاع اقتصاد البلد = قولوا لشمر تنمي باقي الاقتصاد
رشيد :
الله يكافيك شر أهل القشر والحسد = وإنه يجاهد صحيب مانبيله جهاد
لاعاد تدلي بحجه ماعليها سند = أقول ياعبس ياشمر هذا الود واد
ذيب :
علاج الأرواح يفرق عن علاج الجسد = يماخذ حكمتك من عمتك شهرزاد
عسى حطبكم جمر وحبالكم من مسد = إذا نثرتوا حياض النصح والانتقاد
رشيد :
أنا وليد البلد وأدرى شجون البلد = والا أنت عمتك ترحل من بلاد لبلاد
يابوجهل لويطق براسك أكبر وتد =تقول أنا مستعد لكرة مع طراد
ذيب :
عمتك فيها روماتيزم وفيها كمد =لاشك أنا عمتي تقدر تشيل العتاد
مهما تزيد البرودة عزمنا مابرد = مانعتني في ظروف الجو حر وبراد
رشيد :
ياذيب لاتروع العالم بترعة زبد = حنا عرب مانحب لجارنا الإضطهاد
يكم وياكم وياكم ضاع مال لُبد= حتى نقول أنت مسلم بين ملحة وزاد
ذيب :
أنتم حماة العروبة في السنين الجدد = لا نام أحدكم يحط العلك تحت الوساد
يالربع لامن نخيتونا نجيكم مدد = تبغى تعود علوم القوم مسك وزباد