[أبو فايز العويمري]

بسم الله الرحمن الرحيم

	قصيدة الشاعر / معيتق بن عبد الرحمن العويمري الرشيدي ابتدي في ذكر علام ماتخفي القلـــــــــــــــــوب قادر تقدر على كل قادر قدرتــــــــــــــــــــه وان شغلني هاجسي بالعجوب وبالغصــــــوب راضي بامر المهيمن وراضي دبرتــــــــــه ارسل افكاري مع الوفت والدنيا لعــــــــــــوب واستمع الوقت ادور نوادر عبرتـــــــــــــه والحوداث والتجارب وساعات الكـــــــــــروب تعطي القلب اللبيب العبر لامرتــــــــــــــــه والبشر بالوقت مابين غالب ومغــــــــــــــلوب والليال احد تسره والاخر ضرتــــــــــــــــه والرجال احزامها الصبر حزات الصـــــــــعوب وكل صابر بشر الله بساعة نصرتــــــــــــه ومن ترجا العز من غير علام الغــــــــــــيوب يونس النقصان وان مات مات بحسرتــــه ويا نواطير الحسد يامدورة العـــــــــــــــــيوب من تتبع غرة الخلق تتبع غرتــــــــــــــــه كل مايعمل بنادم بدنياه محـــــــــــــــــــــــسوب العتاد ثنين والحبر تحفظ جرتــــــــــــــــــه ماورى غرات الاجواد فود ولاكــــــــــــــسوب ومن سعى بالسوء سياته كسوبه واجرته ويامدور صرح الامجاد للعلياء رغـــــــــــــوب اعرف ان الرجل دايم بعيده نظرتـــــــــــــه انحر الطيب الياساعفت عوج الــــــــــــــدروب وازرع المعروف والطيب تلقا ثمرتـــــــــه واحسب ليوم يبين الشروق من الغـــــــــــروب يرعب الجار هوله وينهي جبرتـــــــــــــه وانتبه لمارت السوء لاتصبح غلــــــــــــــــــوب من غلبته صوب درب المهالك جرتـــــــه وان حصل من بعض الابواب عاصوف وهبوب سكر الابواب والداب فارق شجرتـــــــــه ولايغرك كل من كان خوان وكــــــــــــــــــــذوب وحدك افضل منه والبعد يسوى عشرتــه والمنافق لو تستر بنطقه والســــــــــــــــــــلوب مع طويل الوقت لابد تبداء نكرتـــــــــــــه والردي مافيه نخوه ولابه سد نـــــــــــــــــــوب حاظر غايب غيابه يساوي حظرتـــــــــــه والختام استغفر الله غفار الـــــــــــــــــــــذنوب قادر تقدر على كل قادر قدرتـــــــــــــــــه

الموضوع الأصلي: الردي مافيه نخوه ولابه سد نوب | | الكاتب: أبو فايز العويمري | | المصدر: شبكة بني عبس