هذه محاورة بين الشاعرين / صياف السحيمي ــ رحمه الله ــ والشاعر رشيد بن معدي :
صياف :
ياسلام الله على أهل الحلة المرفوعة =من هجوس ماتهيض إلا على معناها
يارشيد أنتم رجال وكتبكم مطبوعة =مار حنا ماعرفناها ولانقراها
رشيد :
مرحبا بأصحابنا بالكلمة المتبوعة = من هجوس ماتهيض إلا لردع عداها
كتبنا كتب الرسول وسنة المجموعة = يامحرفة الكلام اللي خبيث لغاها
صياف :
عندنا كلمة شرف والثانية ممنوعة = بارك الله بالرجال اللي طوال لحاها
كيف ترقص والبرامج كلها مقطوعة = والحقيقة كل ناس عارفه مرباها
رشيد :
اندرج بعلوم حرب وكلمتك مسموعة = وخل عينك بالقليب اللي طويل رشاها
البرامج ياالسحيمي بالخطر مذيوعة = وأنت فوق المهرة اللي جاء بريق حذاها
صياف :
البيار حبالها مثنية ومربوعة =لو يذبحنا الظما والله ماذقناها
والله إنك يارشيد من العرب بالوعة = إن ذكرت الأولة والثانية تنساها
رشيد :
الله أكبر ياعميل ما عُرف مشروعة =كل ماذبت له الكلمة غلط غناها
بين إنك يالولد صياف أبو قبوعة = كم تخيل له بنفس ماذبح وأحياها
صياف :
الزراعة غلقت والحبحبة مزروعة = كل مانرفع طوارفها يطيح أقصاها
الرجال أنواع وأنت اللي عرفنا نوعه = لوّحطوها على راس الجبل يلقاها
رشيد :
منك ترجع فيك ياللي بوعه بكرسوعه = تُزرع الحبة وتحمد عند طيب ذراها
لاتعاتبني بسقم ضروسك المشلوعة = كل نفس طايشة ترجع ليامثواها
صياف :
مازرعت ولا حصدت صناعة مصنوعة =وأكثر العربان يبنيها ولا ولايعصاها
أنت رجال ثقيل وفيك مثل الزوعة = طاسة اليتمان تملاها ولاتملاها
رشيد :
الصناعة با نقرة ياللي تهل دموعه = والولد هذا يربيها ولارباها
وأنت رجال حكيم وحيتك ملسوعه = الله أكبر ثارت البندق بوسط خباها
المحارة الثانية :
صياف :
ياسلام الله على أهل الديرة المعروفة = والبنادق في يديه والفشق بحزامي
قاموا العالم وقمنا مع عيال الكوفة = والعرب هذا السنة ماهي سواة العامي
رشيد :
مرحبا بالشاعر اللي عارفين ظروفه = البنادق في يديه ولا يعرف الرامي
فزعته فزعة شجاع بين أمان وخوفه = ما يميز فرقة البصرة من أهل الشامي
صياف :
خلها بيني وبينك قسمة منصوفة = لاتخليها تروّح عمة العرامي
جامعين سلاحنا وفلوسنا مصروفة =وكان بحزامك سوالف خلها ولامي
رشيد :
مانطيعك لين عينك كل شي تشوفه = ويهدي الليل الطويل وتسلم الظلامي
إن غزينا يم قوم مانقول نكوفة =لين نعلن وترفرف الأعلامي
صياف :
كسر سنون البعير اللي كبار كتوفه = البعير الحر حرلياضربته قامي
أنت ماشفت الكتاب ولاقريت حروفه =وإن قريته ضبطه مع سنة الإسلامي
رشيد :
البعير بعير والمخطي نحوفه حوفه =وأنت لاتحلف لنا بالنصب الأزلامي
والكتاب كتاب ربي ياطويل الصوفة =تو جاك الموت وأنت تفسر الأحلامي
صياف :
لو بغيت أسابقه تالي النهار أطوفه =مير يبلشني رشيد وربعه الحكامي
أنت ما شفت الحكيم اللي طوال سيوفه = أبلشه كثر الضيوف وضيع العزامي
رشيد :
االسباق اللي تحب الخطة المكشوفة = ماتقرب للطوا تسابق الأقزامي
مير من عادة رشيد يعز كل ضيوفه = استريوا بالضيافة وادرجوا قدامي
صياف :
لاتكشفها علينا خلها ملفوفة = أنت لارجال زهراني ولا أنته يامي
أخذ كلمة طيبة والثانية مكفوفة = لوّ كنت أمير تفصل باقي الخدامي
رشيد :
الله أكبر يوم جبت الحجة المشنوفة = مانبي لك عطف وردها حياض الظامي
إن زعلنا نتبع البرهان بالمردوفة = وأنت ما أنته يالسحيمي بالمقام السامي
صياف :
العيال عيال بس رموشهم منتوفة = أربعه صاحين والخامس صغير ونامي
الله أكبر يالذلول الحرة المعسوفة =روحت مع سهلة حمرا بغير خطامي
رشيد :
مانقول إنك تورد حجة الملقوفة =وأنت طيب قلب ماتبكي بك الأيتامي
السحيمي لو يحلف في حشاشة جوفه =نيته زينه وصرت فوقه الأقلامي