الطرقي
الليله الليله على ماتشتهي بعض النفـوس=يامنتـدى ياملتقاءالشعـار راع شعورهـا
غنيت وانا شاعرن تخصصي كل الدروس=الملعبـه قايدلهـا والمرجلـه دستورهـا
بحر الخليج
الليله الليله ياحبه وقعي بين الضـروس=والا نحطك بالرحاه وفي يدي ادورهـا
والليله الليله نبي نطلب منك رقم الجلوس=قبل لاتدخل بالديار وتختفي بجسورهـا
الطرقي
توه بدى مشورنا وصحى تحوس ولاتدوس=صاحبك لأمنه دخل دوله يهد قصورها
رقمي صفرخمسه صفرسته وحطه بين قوس=والقوس الأخرقفله دورالزمان يدورها
بحر الخليج
بعض الطراقي لو تزينهـا حسينـات اللبـوس=لو قست بعد انظارها تلقـاه طـول اشبورهـا
رقمك صفر خمسه حلو ماينشرى بربطة فلوس=غالي مثل راعيه يوم الشمـس بيـن نورهـا
الطرقي
انته تبيها بشحم ولى تبيه ظرب روس=ترى الشمالي لو تضيق بها وساع صدورها
خل الرقم ماله دخل بين الفيافي والطعوس=لأنك محرك مركبه وعلي طي سيورها
بحر الخليج
جبها كذا والا كذا ياراس فوق الراس موس=وحنا انعرف كل الديار وعارفين طيورهـا
كل الفيافي والطعوس تدوسها حمر الجموس=واليا طرت بالبال ديره نستطيـع نزورهـا
الطرقي
انته جفيره خايفه والي حوليها تيوس=لكن هد الروعه الي ناشبه في زورها
البن يطرب شاربه لصارحامسة محموس=والدارمن سكانها والأنت خلف جدارها
بحر الخليج
نكست يالطرقي وهذي عادتك دايم نكـوس=ارجع على تيوسك وخل المرجله ونمورهـا
البن تطرب له رجال(ن)للحياء دايم اعسوس=وحنا شيوخ الدار واشكالك ماتدخل سورها