[فلاح المهيمزي]

وين هالغيبــه عسى ماهي إفراق
ليـــه تبخــل بالمجــي خلّك كريم
خابر ان الجــرح لا صابه حراق
ما يفيــــــــــده طبّ والله العظيم
ينشــدوني وين من رمشـه دقاق
قلت مدري ذاك خبــري به قديم
الغـــلا رآعيـــــــه له قلبن رقاق
لو جفيته صارت ضلوعه هشيم
لو زعل لوشال غيضه وأستضاق
ما يخـــرّبها وجــرحه بالصميـــم
أدمـــح الـــزلاّت زلاّت الرفـــاق
خصّ لا من صــار راعيها حشيم
وأكره الخوان كرهي لل ؟؟؟
واعشق الوافين عشقي للقصيم
عند اهلها غاليــــه وضــح النيـاق
وانت عنـــدي يمكن اغلا يا وسيم
إن بغيـت افــراقنا هـــاك الفراق
وش نبـي بالحب دآم الحب ضيـم
الشاعر متعب التركي

الموضوع الأصلي: وين هالغيبه عسى ماهي إفراق | | الكاتب: فلاح المهيمزي | | المصدر: شبكة بني عبس