خــــــاااصه لك انت بذااات
ياللى وداعك فيه للحـزن مضمـون
ما قلت لى وشلـون بنسـى عذابـك
عطرك وبسماتـك بطيفـي يمـرون
وأعيـش جـو الذكريـات برحابـك
كني عقب فرقاك للطيـف مسجـون
وإن جيت أبنسى الطيف عيا صوابك
خليتنى مـن دون مذهـب وقانـون
ياليت شـيٍ قـد سطابـي سطابـك
حتى تعيش العمر بإحساس مطعـون
بإحساسي اللـى قبـل مـده هنابـك
يا كيف تنساني وأنـا فيـك مفتـون
وتنسـى فـوادٍ بالغـرام أشتقـابـك
لاعاد تنشد ضاقـت الارض والكـون
بالهاجس اللى فـى دروبـه سرابـك
الناس تعشق بس ماهـوب هاللـون
سرقت قلبي مـا حسبـت لحسابـك
من دون تنشدنى عن الشوق من دون
ناظر لحالي وأنـت تعـرف جوابـك
أشتقت أضمك لاجل أعلمك وشلـون
جرح المشاعر نازفـه فـى غيابـك
وكيف الزمن من دون غيبتك مجنون
وكيف الفـواد يجيبنـى عنـد بابـك
هذا الفـراق المـر ملعـون ملعـون
لانه خذاك وعـن عيونـى غدابـك