الجرح جرحك والدوى في يديني .. ولو كان روحي تبري الجرح لأعطيك ..
(انا) ابي قربك وروحك تبيني .. حرام تبعد روح جاتك تناديك
كم مرة تشكي بجرح دفيني ... وكم مرة عينك من الدمع تعطيك ...
وكم مرة لازاد همك تجيني ... ويضيق صدري لا تضايقت وآجيك
يابنت انا جيتك بحب وحنيني ... وأهديتلك روح بها الشوق يرويك ،،،
قلبك أسير بالحنايا سجيني .. مطلق سراحه لين ماعاد يشكيك ...
عذبت قلبك يالغضي بالونيني ... وأشقيت قلب حاير في محانيك ...
فداك روحي والعمر والسنيني...ولو تطلب الثنتين والله لأعطيك
بعلمك يابنت بينك وبيني ...اني بقربك فايز والله بشيك
رصيد حبك مرتفع للجبيني ...والله مابيعك وانا دوم شاريك
افرح بشوفك حالفن باليميني ... كل الملا مامنهم الي يساويك