اعيش لذكرى عللى شـان نظـره=واهيم فيهـا وانجـرح لاتذكـرت
لاعاد ذاك اليـوم لاعـاد عصـره=اقولهـا ياقلـب ليتـك تصـبـرت
وهقتني في حـب ياقصـر عمـره=واشغلت تفكيري والاحساس دمرت
اسج رجلي صـوب بيتـه ومـره=من دون حاجه وادري اني تدهورت
واقول عادي راضـيٍ منـه شـره=لوكان يبغـى المـوت لله كبـرت
اسرفت في حبـه وخفيـت سـره=والعيش دونه لا حشا ماتصورت
شربت كاس المر شيمـه وبطـره=ومديت له كفـي وباكـر تحسـرت
جازاني افراحي حزن وسط صـدره=مقـدر الطيبـه ولاعادلـي كـرت
واليوم كلي غـارقٍ وسـط بحـره=ياليتني من حـال غيـري تعبـرت