مالردي غير الرداء يابـو وجهيـن=أنا مـن اللـي مايتـردى بخويـه
انا من اللـي دايـم الـدوم وافيـن=بني رشيد أهـل الوفـاء والحميـه
مترك خويي لو غدا الجمع نصيـن=معه معه لو صرت لجلـه ضحيـه
ماهمني حاسـد ولا هـرج واشيـن=سجيتـي وحـده ونعـم السجـيـه
ورثة جـدودٍ باالملاقـاء سلاطيـن=قـد ورثوهـا لـي وسـامٍ عليـه
خوة رشيـدي يشهـدون الملاييـن=محنا مـن اللـي لـه ثلاثيـن نيـه
اصفى من الماء لا ركد تحته الطين=مثـل القمـر فاليلـه الخرمسـيـه
ناسٍ كذا فطره خلقنـا علـى الديـن=اليـا عطينـا مـا نمـن العطـيـه
نحلم ونحلـم ثـم نصبـح براكيـن=الصبر لـه حـده ولطيـش غيـه
نشره على الجاهل وندرى المسيكين=خــاف لا والله ورب الـبـريـه
الخوف عنا بعد اثينا عـن الصيـن=وابعد من ننجوم السمـاء والثريـه
صدورنـا لهـل الكرامـه مياديـن=ولهل الحسد والغـل كبـر الخليـه
اليا جزعنـا مابهـا قـول بعديـن=حاضـر بحاضـر والمنيـه منيـه
نعم نعم ربعي على العسـر والليـن=وسامـة الكفـه هــل الشاذلـيـه
كرم شجاعه عز مع طيب مع ديـن=كـمـال لله الكـمـال ونـبـيـه
ناسٍ على علوم النشامـا مضريـن=محنـا نعيـش بعنجهـة جاهلـيـه
القلـب واحـد لـو خلقنـا بلاييـن=نشبـه بعضنـا وحسبوهـا عليـه
بضبط عين وحاجب او حاجب وعين=مـا نختلـف بالـراي والمرجعيـه
ومن دون ربعي لو غدا الشر شرين=لوقف وباقي عمـري ألهـم هديـه
فـدوه لهـم قلبـي وباقالشرايـيـن=والله مبخـل و الامـر فـي يديـه
وهاذي رؤؤس اقلام بس ونياشيـن=ماجبتهـا بتفصيـل لكـن شـويـه
مدحي مايوفيهـم ولا يافـي الديـن=في مدحهم لو هـي بيوتـي قويـه
وماهو بربعي حصر والناس دارين=كلٍ لـه امجـاد وجـذور وهويـه
ونعم نعم بقصى القبايـل والادنيـن=كـلٍ لهـم بالمجـد روحـه وجيـه
واليوم باللي كاتب الـرب راضيـن=في دولة اّل سعـود عـدل وسويـه
ونعم رشيدي وافتخر يابو وجهيـن=وجتك القصيـده وعتبرهـا هديـه
أخوي سعد الشقل
صح لسان الشاعر عايد بن خلف
ولاهنت على النقل الرائع والمميز
وتقبل تحياتي