اخواني السلام عليكم ورحمة الله وبركاته
لقد قابلت في الاونه الاخيره الامير الشاعر مشعل بن بدر الجبر الرشيد ودار الحديث بيننا عن ذكر الايام الخوالي وكان من ضمن ماتشاطرنا اطرافه القصيد وشد انتباهي هذا الامير الرائع حفظه واحتفاظه بالصداقه والقصائد التي دارت بيننا في عام 1405هـ تقريباوقد كان من ضمن القصائد التي دارت بيننا ردي عليه بهذه القصيده
البارحه يوم اول الليل ولا = قريت في راي الحديث ابن ماجه
قريت ماني بالرواه اتسلا = لكن لقيت القلب ديني علاجه
كلا لمن يغفل عن الدين كلا = لو انتهج كل العلوم انتهاجه
واللي على روح الخلايق تولا = ان الحياه بليل والله سراجه
ان الهدى نور الحياه وتجلا = مثل الشروق بطلته وابتهاجه
لو فيه من غلة يديه استغلا = بالدين وادابه على شان حاجه
مايدري ان النفس خيط تدلا= وفي منتهاه يواجه اللي يواجه
اما على نار الجحيم يتصلا= يجهل ليامنه دخلها خراجه
سلام ياشيخ لياجيت هلا= شوفه علاج لي وشوفي علاجه
جل من تعالى ماعليه نتعلا= لكن يامخلوق ادع ربك وناجه
وانت برجاه وعزته ماتذلا= وان حاط بك هم عليه انفراجه
لابتلاك بنعمته لاتبلى = حي تسبب ضيقته وانحراجه
حاول بالاخلاق الحميده تحلا= الكبر عرش ابليس والكذب تاجه
يابعد كلمة لا على كلمة الا = الاوله تنفي والاخرى احتجاجه
قلها عساك بضلها تستضلا= العمر عود فيه عدل وعواجه
وين القصيد ومحتمين المخلا= وفلة حجاج اللي عقدبي حجاجه
الشاعر/ فوزان بن عوض بن مربح