دكتور شخص حالتي وش بلاني
ما عاد انا من جملة الناس محسوب
قلبي تقطع والغضي مالفاني
يادوب وصلٍ بين الأحباب يادوب
مالي من المحبوب كود الأغاني
على النقى ما بيننا غير مكتوب
دكتور عالجني تراني أعاني
الباب دونه باب وجدار من طوب
عيّا يخليني أشوفه ثواني
ياشينها لا صرت عاشق ومحجوب
ما عاد أنا أقدر أسمع إللي وزاني
ومرات أنا اطلع ناسيٍ ألبس الثوب
دكتور علمني وش إللي دهاني
يمكن ألاقي عندك علاج وطبوب
دمعي على خدي وجرحي لواني
جمرة غضى وسط الحشا إلها لاهوب
درب المحبة لو مصيره جناني
ما أتوب عن حب الغضي والله ما توب