يا بسمــة أيام الشقاء وش هالاعذار
ملـــــيت صبري و أنتظـار القدومي
طــول مـداك وبعدك اليــوم ما صـار
يكفي ثمان اشهـــور منك محرومي
كتبت لي في رحلت الحزن مشـــوار
لا تكــــون في تــالي زمانك ظلومي
ما للــفرح في واقعــي بعـدك اذكــار
وجـــــو السعـاده كدرته الهمـــومي
يـا شينهــا في غيـبتك مـــــرة الـدار
لا شفتها من الدمع رويت كمـــومي
في غيـبتك قلـــبي تــــوقد به النـــار
وتبرد علـى ذكراك قــــــوة عزومي
لولا عيــونك ما ستشفيت الاشعـــار
ولاكان لــي لـولاك فيها لــــــزومي
لك هاجس الذكرى بالشـــواق بحــار
يدعيـك يـامن لك بـ قلبي رســـومي
جاوب صدى صـوت ينـاديــك منهار
وعين بعد مـاغبت عيـــت تنــــومي
فــي غيـــبتك جرح وهم وتذكـــــــار
واهـات تهدم راسيــات الرجــــومي
أرجع وبدل ظلمتي كلهـــا انــــــــوار
قربك يبدد عن سمـــــاي الغيـــومي
حمود البراهيم