دام الغضي
يصعب على الانسان معرفة صدق المشاعر من زيفها فما بالك عبر اثير الانترنت !
لكني استطعت خلال هذه الابيات المعبرة تفهم معنى الحب الحقيقي والعاطفه
الصادقه التي هي ارقى واسمى مافي الوجود
دام الغضي يشبك على النت ويشوف=اببدع المعنا بشعري وقافي
اكتب هجوس الشعر والقلب ملهوف=واسرج بنات الفكر والفكر صافي
ازين المعنى على حروف وحروف=كله لاجل منهو على الدوم وافي
سلام يوصله من النت مكشوف=عبر اثير النت ماهوب خافي
يهدا لهاك الزول بالزين موصوف=ياسارقن قلبي وبالزين ضافي
انا اشهدني فيك مغرم ومكلوف=والفكر من سبتك فيه اختلافي
انت القصيد ومنك الاشعار مقطوف=وانت الغلا لا بان حبي وشافي
كل العذارا والبني عندي ضيوف=وانت المقيم وحبك اغلى وكافي
بعدك جرحني واتعب الحال والجوف=كلن يقول شفيك اجر وعوافي
اسرفت في حبك وبالحيل مشغوف =ملكتني ما بين حمر الاشافي
نمر بن عدوان بالحب معروف=والحب ذاقه كل طيب سنافي
هذي القصيده جات بالنت مكشوف=احساس صادق ترجمتها القوافي
آخر تعديل بواسطة مرزوق العجوني ، 07-06-2009 الساعة 02:43 PM.
|