[هاوي شعر]

اقتباس من مشاركة المحيط الهادي الارض كوكب فالفضاء مستقله=والشمس فيها ماتخاوا مع الليل وسقف الكواكب ثابت(ن) في محله=من غير عمدان تشيله عن الميل والناس فوق الارض .. تسعين مله=وفيهم من اللي يعبد الثور والفيل ياكثرهم .. لكن بأرادة الله=في ثانية يقضي عليهم سرافيل ياهاجس الشعر .. الحياة الممله= ثارت حفيظة متعب الجيش والخيل تعال .. خذ ( دفتر خفوقي ) وفله= ولايزعجك بالصدر كثر المواويل خذ ماتبيه ومايخالفك خله =اليا تعبت من العنا والمراسيل ماكل دلو يروي اللي يتله= وشط البحر .. ماهو مثل ضفة النيل البحر حلق ( المضمية ) مايبله= والنهر من ( ميه ) تزيد المحاصيل لا والله الا .. علة الوقت عله= مافاد فيها الاخذ .. والحط .. والشيل ودروبي اللي من ورا ( الضلع ) كله= قامت تلاقطها عيون الدرابيل فالبال غصن ماكسا الارض ظله= ميت ضما .. وغصون غيره محاميل ليت ( الثريا ) اللي بعيني مطله= تنشد لو أنه يوم عن غيبة ( سهيل ) الشوق مثل ( الهيل ) والصدر ( دله )= والبعد .. جمر تفوح من المعاميل والمزنه الي فالصدر مستهله= ياما سقت بيض الورق والمناديل ياهاجسي .. لمرك الشوق .. قله= قدام لاتسفي عليه الغراميل جسمي هنا .. والقلب يم الاهله= له بين جرات الكواكب مداهيل مايجذبه للارض فندق .. وفله= ولا يوم شدنه .. ( تواقيع أبا الخيل ) لولا الغلا .. وزروع عمري وفله = يقطع عن العالم دروب المواصيل

صح اللسانك
اخي المحيط الهادي
على هذه القصيده الجزله
ولابه غرابه عليك الشعر والابداع
اهنى الشعر وهنى نفسى وهنى شبكه عبس بشاعرنا المبدع المحيط الهادي اسمى على مسمى
وتقبل مروري ولك الف تحيه