السبع الضاري
ابا العمدة اللي مايعرف المعاريـف=يحل القصيه قبـل تنهـا القضيـه
يرشح على كيفه ويعطي على الكيف=وانا لي ثالاث اسنين مالـي دعيـه
وضاح اليمن
تفضل ننوب بحال يامكرم الضيـف=عن اللي ليا شفتـه تجيـك المنيـه
عطاكم وقمت تويق روس المشاريف=تبا تاكـل ابثنتيـن هـاذي خطيـه
السبع الضاري
انا مابلاي ألا الزيـود الملاقيـف=وناصر خنيفر راعي العنصريـه
وش اللي شربنا منك يادلة احنيف=تحسبون كل اخطاء الجماعه عليه
وضاح اليمن
وانا مابلاي الا من يـدور الحيـف=على ايات كلمه قـام يشتـم خويـه
شربت الجحيم اللي تخض السراجيف=هاك العـام يومـك جيتنـا بالغزيـه
السبع الضاري
انا اقـول عمـك ويـش وداه للطريـف=حياتـه فنـت مابيـن روحـه وجـيـه
ولادري وش اللي جاب صنعا على السيف=عسـى ارض اليمـن ماتفقـد الجاذبيـه
وضاح اليمن
قلعه الغرام وحب زين التواصيف=ولافيه عيـبٍ يازبـون الونيـه
على كل شي يجمعن المصاريف=والارزاق مطلوبه من ايا نحيـه
السبع الضاري
اثر صاحبك يشرب هبوب العواصيف=ولكن بتـال العمـر لاتصيـر زيـه
نصيحه تخل المدن وتروح للريـف=على شأن عند البدو تلقـى رعيـه
وضاح اليمن
صحيبي من رجال ٍ تفرق مواليف=بوقت الحروب تشب نارن لضيه
نصيحتك علقها براس الكرانيف=نصيحتك عنـدي مالهـا قابليـه
السبع الضاري
خلف شاهده بالزورمعروف ياخليف=وش القوس يا وضاح لولا الحنيـه
من اللي يخيل البارق بشوبة الصيف=صحيح ان مايضحـك شـر البليـه
يكون التنسيق عندما تنتهي المحاورة على نفس الموضوع وينقل للمنسقات