[الغريب*]

براهيم الشيخي



سلامي سلامن يبعد الماء عن النار = على شان تبقى شعلة النار حيه
اقول الله اكبر كلهم عبس شعار = ولكن زمام الملعبه في يديه



ناصرمرسال



هلا مرحيا ترحيبة الجار بالجار = كلام الوفاء حقن عليك وعليه
شواعير عبس اكثار في كل الاقطار= دقايق وتنزل عن شداد المطيه



براهيم




تغنون بالحفلات وطوال وقصار = ولافيكم اللي يتقن الابجديه
على المكرفون اثبت هنا يدك والحار= او اجلس على الكرسي ودق التحيه


ناصر



على الهون لاتطلع منافق وثرثار = ترى البينه ماهي سوات الخفيه
يقولون يوجد بانقره كل نقار = وأنا خابر الاتراك ماهي رديه



براهيم



تراك انته مجرد حمامه من الدار = ماجيت الحرار الندر الصيرميه
ضميرك نقي ولسانك انجس من الفار= تبينا نضحي فيك بعد الضحيه



ناصر




تراك انت بنت براس وكرن للاحرار = وتخطي وحنا مانحب الخطيه
ولا يابو زهره لاتعبث بالازهار = مانرضى عليك الطعنه الجانبيه



براهيم




وأنا مانكر انك بنت في كل مضمار = وأراقبك زليت الطريق اضحويه
لياجيتنا تحتك نطلاك بالقار= مايحتاجلك وصفه من الصيدليه




ناصر


ولا يابراهيم انت كررت تكرار = وأنا رجل والتكرار ماهو بليه
انا اكبر منك بالعمر وبحجم الافكار = ولكن ذنيك اكبر حجم من ذنيه



براهيم



أنا اذبحك بسلاحك ولاني بمحتار = وبا أذخر سلاحي للامور القويه
لسانك طويل بزود ويدين قصار = وفاك مخبور وسرعتك عولميه



ناصر



سلاحي قوي وانته يمينن بلا يسار= ولا نته بقد القوه العالميه

رابط المحاوره فيديو

http://www.bani-3abs.com/nn/videos-a...how-id-192.htm

الموضوع الأصلي: ناصر +براهيم.. محاورة هجوميه | | الكاتب: الغريب* | | المصدر: شبكة بني عبس