:
.
السلام عليكم ورحمة الله وبركاته
في يوم الأثنين الموافق 23 - 5 - 1430 هـ ..
أقيمة امسيه شعريه بمنطقة تبوك تحت عنوان ( سواد العين )
وكانت المناسبه شفاء ولي العهد صاحب السمو الملكي الامير /
سلطان بن عبدالعزيز آل سعود
وكانت هذه مشاركتي
صلوا على النبي
:
يامرحبا ياسيدي عد ما لاح = برق الوسم من بين سحب ٍ مخيله
أستنورت سما الوطن فيك وأنزاح = هم ٍ على قلب السعودي يشيله
شوق الوطن لك زاد بصدورنا فاح = لعيون سلطان العلوم الجزيله
أجر وسلامه ترتديها كما وشاح = ومزن السلامه لك تزايد هميله
والله والله عد مالمزن قد طاح = لو المرض ينشال عنك لشيله
ويشهد علي الله ما اقولها امزاح= والله لشيله ثم والله لشيله
أدعي لك الله بالدعاء صرت لحاح = رافع يديه بالدعاء كل لليله
ياسيدي غلاك في قلوبنا أجتاح = يالشامخ اللي ماكره بالطويله
ياعزوة اللي ظامه الوقت ثم صاح =يا سعد حظه كان مثلك يجيله
انت اللذي لازم يجيه التمداح = رحوم ٍ لشعبه وقلبه دليله
ولامن عطا بالطيب ماهو بشحاح= شهم وكريم ٍ محتمي به دخيله
عندك لديوان الفخر الف مفتاح=ومن فوق شعبك صرت شجره ظليله
ويامرحبا ياسيدي عد مالاح = برق الوسم من بين سحب مخيله
استنورت سما الوطن فيك وانزاح = هم على صدر الجزيره تشيله
اتمنى ان تنال لو على القليل من رضاكم واستحسانكم
اخوكم
بدر نوران
:
.