اسعدالله جميع اوقاتكم بالمسرات،اتمنى ان تحوز هذه المشاركة على بعض استحسانكم:
البادي أظلم والموفق:من يتوب= قبل الممات وقبل تصفية الحساب
ماتغره الدنيا ،ويغرق بالذنوب=وتطوي سجلاته ملائكة العذاب
ياالله على بابك يا علاّم الغيوب=تفتح لنا من كل :هم وضيق.. باب
يامقلب الأبصار يا مغيث القلوب= ثبت فؤادي بالسؤال و بالجواب
ياكثر ماضاعت علي من الذهوب= بأرض ٍ خلاها يطّرد فيه السراب
البال ضايق مير سولف يا محبوب= ماقلتلي وش فيك طولت الغياب؟
ترا العرب قامت تضيقبها الدروب = ماعاد يرويها مراويح السحاب!!
الوقت يمضي والزمن هذا محسوب=والرابح اللي كمّل أشروط النصاب
صدر الشمال اليوم في صدرالجنوب= مالك عذر قدام مروين الحراب
ما كل يوم اتهب للفارس هبوب= واحيان مايذوق العشاء فرخ العقاب
لكن تغانم فرصة الذيب النهوب= واركزعلم شمط اللحا فوق الهضاب
لاتنتظر والشمس تدني للغروب=تضوي عليك الجايعات امن الذياب
يكفي ما خضت من المعارك والحروب= من كثر مافصلت من بيض الثياب
تشفعلك اليا وصلت لنفض الجيوب= لو خافق الحاسد مثل ريش الغراب
والبادي أظلم والموفق:من يتوب= قبل الممات وقبل تصفية الحساب
معيوف ابن زهيميل