[بندرالرشيدي]

قصيدة تهنئة لمقام سيدي النائب الثاني لرئيس مجلس الوزراء ووزير الداخلية

صاحب السمو الملكي الأمير/
نايف بن عبدالعزيز آل سعود بمناسبة تعيينه نائبا ثانيا لرئيس مجلس الوزراء.

بعد تشرفي بالسلام على سموه..

/..درع الأمن.../

سلام ياحرٍ له المجد مرقاب=ياعالي الهمة وياذايع الصيت
يادرع الامن اللي لطم وجه الارهاب=في قبضتك تنهان روس الطواغيت
كفك لها من قوة الدين مقضاب=تضرب بسيف الحق..ماعمرك أخطيت
وقفت بين يديك وقفة لها اسباب=مااحصيت عد اسبابها يوم عديت
وقفة وفا ، وقفة غلا ، وقفة اعجاب=وقفة سلام وتهنئة والولا بيت
شيدته بقلبي وجسمي له اطناب=من قبل نزع الروح ماينزع البيت
جندي وطن في محزمي سيف وكتاب=لبى الوطن لبيك ياسيدي جيت
افديك في عمري وربعي والاقراب=اقسم برب البيت مايوم شحيت
لبلادي ابذل كل غالي بلا حساب=ياكثر مااعطاني وياقل مااعطيت
جندي واخوض الموت ماوالله آهاب=عن واجبي ياسيدي ماتونيت
منحك أبو متعب مهمات ٍاصعاب=لانك كفو لانك لها...لانك اوفيت
أنت الثقة واهل الثقة..ليث ٍ مهاب=لباك شعبك يوم للشعب ناديت
سموك اللي تفتخر فيه الالقاب=تسمو بك الالقاب ياللي تساميت
حرب على العدوان سلمٍ للا صحاب=وقت الشدايد قاسيٍ ماتراخيت
نسل العريب اللي أدانت له ارقاب=بافضاله اللي عدها حيٍ وميت
نجني ثمار اللي زرع والسعد طاب=مجدٍ تليد وحاضرٍ له تمنيت
في ظل ابو متعب وسلطان الا لباب=تسموبلادي عز ياذايع الصيت

مع خالص،،
التحية والتقدير..
بندر بدر الرشيدي

الموضوع الأصلي: نايف بن عبدالعزيز.... | | الكاتب: بندرالرشيدي | | المصدر: شبكة بني عبس