[ابو بيان]

الشوق جمـره جمـر وازنـاده زنـاد=أوقـد مهاديـف الحنـايـا حمـيـا
والقلب جرحه حي وعنـاده عنـاد=عطشـان لجروحـه وطعنـك بليـا
(ياورد) زرت بلاد , وبلاد, وبـلاد=مثلـك لنظـرة خافقـي ماتهـيـا
بين (الثريا) و (القمر) كـان ميعـاد=وأخلفت ميعـاد (القمـر والثريـا)
وجيتك على ساقت مشاريه الاجواد=فيك الهقـاوي كبـر بـرج العليـا
واثر الهقاوي مثل ( مصلحة الارصاد )=يخيب منهـا شـي ويصيـب شيـا
لاجاد بك غيري ولا حظهـم جـاد=جـادك زمانـي لكـن الحـظ عيـا
ان كان للتعذيـب خـدام واسيـاد=مانـي بقايـل ويـن هيـا ومـيـا
ارفع لك الرايه على روس الاشهـاد=من دون كل النـاس فيـك الكفيـا
لولاي اخاف الناس عـاذل ونقـاد=ماكـان خليتـك تـروح كـذيـا
(عندالعرب من ينكر الملـح والـزاد=مافيـه خيـر ولابراسـه حمـيـا )
للشاعر: مهل الرويضي =