محاورة الشاعر.أحمد النون الرشيدي و الشاعر بدر الحجازي المطيري
السلام عليكم ورحمة الله وبركاته
هذه محاورة بين الشاعر : أحمد النون الرشيدي
والشاعر.. بدر الحجازي المطيري
أحمد النون
ياسلام الله على الي على شانه عنيت
من سلايل عبس للخوان جوزاء كلها
السوالف بينه ياشواعيـر الكويـت
الديار الخاليـه مـن يبـا يحتلهـا
بدر الحجازي
واجب الترحيب لو في سلامك ماثنيت
مرحبا ترحيبتن ظلتـك فـي ظلهـا
السوالف كلها بين كيت وبين كيـت
ماش بالدعوة سيوفن عشان اتسلها
أحمد النون
بارك الله في رجالن لهم سمعة وصيت
وانت خلك صاحبي والفريضة صلهـا
يالحجازي يوم بينت وش فيك إختفيت
والحجاز إدروبهـا الـولات اندلهـا
بدر الحجازي
يالرشيدي نحمد الله من بعد إهتديـت
مير باقيلك عقـودن لـزوم اتحلهـا
أنت تلقاني على الدرب لو إنك مشيت
ليه رجلينك على كـل درب إتزلهـا
أحمد النون
والله اني بالخطيـه لـك الله مانويـت
والعلـوم الطيبـه طيـبـه ماملـهـا
ياوسيع المعرفة وش كتبت ووش قريت
السوالـف ضنتـي منتـه بفاطنلـهـا
بدر الحجازي
انت وش مغزاك يوم ان فالمبدا بديت
الدعاوي كلهـا شايفيـن اسجلهـا
ماكتبه الوالي الله على خلقه رضيت
وانت في مايكتب الله دموعك هلهـا
أحمد النون
تحسبني يابدر من سوالفك استحيـت
والاوادم ربهـا الله مانـي ربنلـهـا
لو يلوح البرق من فوق راسك مادريت
العلـوم الله يحليـك معنـا حلـهـا
آخر تعديل بواسطة (*العرعري*) ، 10-05-2009 الساعة 10:16 AM.
|