السلام عليكم ورحمة الله وبركاته
معا وكما وعدناكم بالسابق في نقل قصائد الشاعر المبدع التي قصائده تثير اعجابي واعجاب الكثيرين ولكن الاعلام هو السبب في عدم ظهور شاعر مرموق مثل الشاعر / عايد بن خلف الرشيدي
بنت الناس
انا مايسلي خاطري غيـر ( بنـت النـاس )=شمالـيـةٍ تعـشـق شمـالـي ومعجبـهـا
شماليـةٍ بعيونهـا السـود جــد وبــاس=وغنج . . مع شوية شيطنـه فـي حواجبهـا
وشفايف كمـا الرمـان وسنـون كالألمـاس=وصـدرٍ كمـا الفنجـال واقـف وساكبـهـا
وشعر مندلق من راسهـا ليـن حـد السـاس=وخصـرٍ نحيـلٍ ضامـه الـردف واتعبهـا
نحيلـة قـوام وجسمهـا يـا عـرب ميـاس=تمايـل كمـا النعنـاع سبـحـان واهبـهـا
( عرفته معرفـة نـت ومجالسـة جـلاس)=( بغـرف صامتـه وكتابـةٍ بـس نكتبهـا )
بدينا بهوانـا ( دردشـه ) كانـت الأسـاس=بدايـة محـبـه مـاحـدٍ كــان حاسبـهـا
انـا احبهـا حـبٍ كبيـرٍ ومــا ينـقـاس=ولهـا القلـب بيـت ونوخـت بـه ركايبهـا
ولها في خفايا الروح همس.. وشجن.. وانفاس=وتطـارد خيولـه وســط روحٍ معذبـهـا
ولها برج عاجي ماسكنـه غيرهـا ولا داس=على صرحـه إلا هـي ولا احـدٍ يحاسبهـا
انا فـدوةٍ لـه لـو يـروح العمـر لا بـاس=ولو روح ( عايـد ) تنتهـي مـن سبايبهـا
مسامح .. مسامح .. لو بحبي كسرة الكـاس=ولو شمـس حبيـك عنـي اليـوم حاجبهـا
ولا انساك انا لو يعزل الجسم عـن هالـراس=ولـو نجـد تعلـن رفضهـا حكـم شايبهـا
وانا مايسلي خاطـري غيـر بنـت النـاس=شمالـيـةٍ تعـشـق رشـيـدي وفازبـهـا