اخواني واخواتي اعضاء هذا الصرح الشامخ والقائمين عليه يسعدني ان اترك بين يديكم هذه القصيده واتمنى ان تنال اعجابكم.......
يامل راس(ن) متعبته التفاكير = يشكي من جروح الغرام القديمه.
ويحن من جور الزمن حنت ابعير = وجروح قلبه وسط قلبه سقيمه.
ويشتاق قلبه كل مارفرف الطير = للي محبتها بقلبه مقيمه.
احضورها يشبه حضور الجماهير = واغيابها ارهاب وعذاب وجريمه.
ورغم الظروف اللي تحاشد طوابير = مازالت احبال العلاقه سليمه.
ياغايتي سر المحبه له ابير = وتمطر على اسرار المحبين ديمه.
تعالي ابنهي طوال المشاوير = واطوي بقربك كل صفحه قديمه.
امعززه حب وحفاوه وتقدير = ومكرمه طيب ومكانه وشيمه.
يامكسب(ن) ماحصلوه الهوامير = وياقيمت(ن) تطغى على كل قيمه.
متى تشوفيني واشوفك على خير = واضمد اجروح الغياب الأليمه.
شــــعــــــــر/ مــــالـــــكــــ الصـــامـــل..