[رشيديه و أفتخر*]

السلام عليكم
.......................

( قصيدة حب من طرف واحد والشكوى لله )
.......................
خلي الفجر مستور في خيمة الليل = خليه نايم لا يصحي عصافير
صبحك يرد الناي لقمري المواويل = ويرد عطر قد نسته النواوير
ويخلي فنجال نسى نفحة الهيل = يذكر هتون دلال كانت مباهير
ماغير صبحك صبح هز المعاميل = وقامت تصوت ياهلا بالمساير
انتي صباحٍ به تضيع القناديل = وصارت ظلام بعد كانت مسافير
مدري مراويح انتي ولا مخايل = على الصحاري اللي بصدري مداهير
والا انتي خطوه ماتحب المواصيل = لعشاق صبحك وما تداني المشاوير
وكانك غديتي لليالي المقابيل = ذكرى بقول الحظ وهذي المقادير
والا انا بذكرك من جيل إلى جيل = في كل صبح مع زهور وعصافير

الموضوع الأصلي: قصيدة حب من طرف واحد..... | | الكاتب: رشيديه و أفتخر* | | المصدر: شبكة بني عبس