شاعر بكل ماتحمله الكلمه من معنى ,, رائع في كل قصائده ومبدع , يرفض الشهره والظهور الإعلامي والتي يتهافت عليها المستشعرين لأنه صاحب مبدىء ,, لن أطيل استمتعوا بالقراءه لإحدى قصائده :
أتحصّـن ميـر ماعنـدي منـاعـه=يستر الله مـن دواي ومـن طبيبـي
خاطري مشحون من كثـر إلتياعـه=يجحد العلّـه وأنـا جرحـي عطيبـي
منكسر مـا بيـن حبسـه وإندفاعـه=و واقف ٍ بيـن المنـادي والمجيبـي
وأنت يا اللي بينـي وبينـك طماعـه=لا تسلّمنـي ظنونـي وأتغـدي بـي
فرّد جروحـي ليـا جاتـك جماعـه=ولا تخليّهـا تجمّـع ليـن أطيبـي ؟
لا تجاملنـي وحبـك عـن قنـاعـه=ما غصبتـك بالمحبّـه تنتحـي بـي
فيك روعه للغرام .. ومنـك راعـه=أصدق العشّاق مقطوع النصيبـي !
سمّ وأسلم وأبشر وسمـع ٍ وطاعـه=ضارب ٍ سمعي على صوتك صليبـي
راح قلبي مثل أخوك مـن الرضاعـه=ورحـت عنـيّ لا بعيـد ولا قريبـي
ما لحقني شك غيـر مـن القطاعـه=يا الله أقطع ف الهوى شكيّ وريبـي
لا تقول الحـبّ يبغـا لـه شجاعـه=وأنت يا طيبك .. وأنا يا طيب طيبي !
حافـظ ٍ تاريـخ ميـلادك وداعــه=والزمان يدور والعمـر يعـدي بـي
كل عـام وكـل يـوم وكـل ساعـه=وأنت طيـبّ ومتعافـي يـا حبيبـي
وألاّ أنا عمري يخلـف الله ضياعـه=كلّ ما عيّد شبابـي .. عـاد شيبـي
سيّـدي كـل ٍ بطبعـه وإنطبـاعـه=كان ما طريّت جيبـك طـرّ جيبـي ؟
وأعتبرني شاعر وراعـي بضاعـه=يابس ٍ عرقي على الغصن الرطيبـي
وأن سمعت اللي يطيب إلك إستماعـه=قول صـح لسـان سـداح العتيبـي
منقول
وتقبلو تحياتي اخوكم ومحبكم ابو بيان