الا ياوجد حالي يالليالي والعلوم اطوال
علومي لو كتبت الشعر ماضني يوفيها
ابا اعوم البحور السبع وارقا فوق روس اجبال
وناضر فالسحاب الي كريم البرق محييها
الا يابنت انا ماني على الحيلات بالمحتال
ولاكن الليالي بينتلي وجه خافيها
وانا عقلي كبير وشرهة العقال للعقال
وهذي كلمتن مابين بايعها وشاريها
وانا الي كنت غافل بين ضيق الوقت والترحال
يصح القول يوم النار تحرق رجل واطيها
حسبت ان الهوا لعبه على ماقيل لعب اعيال
ولاكن الهوا نارٍٍٍٍٍٍٍ تواقد والغظى فيها
ثلاث اشهور قاضيها على دق العلوم اجلال
وذلحينه ثمان الله وداعيه وثنيها
ابا ارحل يابعد عمري وابا اكتب لزمن موال
وابا اخذ يازمن عبره ولاني وابك ناسيها
وانا من عزوةٍ علم بها التاريخ للاجيال
عزيز النفس يوم النفس ماترضا مواطيها
خذيها مختصر مني ياشين الهرج لامن طال
ترى نفسي شفوقه مار عقلي عنك حاديها